» » Orijinal ətri saxta ətirdən ayırmağın 5 yolu - FOTOLAR

Orijinal ətri saxta ətirdən ayırmağın 5 yolu - FOTOLAR

Orijinal ətri saxta ətirdən ayırmağın 5 yolu - FOTOLAR

Tez-tez ətirlərin saxta versiyalarıyla qarşılaşırıq. Bəzən də olur ki, baxırsan eyni ətir az qala ikiqat ucuzdur, rəngi, iyi eyni, üzərində Made in France yazılıb, qalıcılığı normaldır... Amma, bizi bu ətrin orijinal olub-olmamasıyla bağlı şübhələr yenə də rahat qoymur. Ona görə də bu gün sizinlə orijinal ətri saxtadan ayırmağın yollarını paylaşırıq.
1. Selofan üzlük
Ətri dərhal qoxlamaq mümkün olmadığı üçün, onu vizual olaraq yoxlamağa çalışmaq lazımdır. Əgər qablaşdırma selofan üzlüklə örtülübsə, bu üzlük qablaşdırmaya kip oturmuş olmalıdır. Üzlük yapışdırma üsulla deyil, termo üsulla bərkidilməlidir. Unutmayın ki, orijinal ətirlər heç vaxt qalın selofan üzlükdə olmurlar.

2. Qutu
Qutunu diqqətlə nəzərdən keçirin. Ən azı ətrin adına fikir verməklə başlaya bilərsiniz. Saxta ətirlərdə tez-tez nəzərinizdən qaçacaq şəkildə bir və ya bir neçə hərf ixtisar edilir və ya dəyişdirilir. Əgər bunlardan heç biri yoxdursa, digər üsullara keçirik.Əsl fransız ətirlərində siz "parfume" sözünü heç vaxt tapmayacaqsınız, çünki bu sözün yeganə düzgün yazılış forması "parfum"dur. Qutunun üzərində təkcə istehsal olunduğu ölkənin adı deyil, həmin ölkədə istehsal olunduğu yazılmalıdır. Yəni, təkcə "Italy" deyil, "Made in Italy" yazılmalıdır. Orijinal qutuda mütləq istifadə tarixi, istehsalçı ölkə, ətrin tərkibi, tutumu göstərilməlidir.

3. Barkodlar
Ştrix kod simvolikasını mütləq yoxlayın. Bunun üçün telefonunuza lazımlı tətbiqlərdən birini yükləməyiniz kifayətdir. Bu tip tətbiqlər barkodları oxuya və istehsalçı haqqında məlumat verə bilir. Bundan başqa, recycling (dairəvi ox formasında təkrar istehsalat işarəsi) işarəsinə də fikir verin. Bu işarə aydın görünməlidir, lakin qalın olmalı deyil. Flakonun üzərində də seriya nömrəsi göstərilə bilər. Bu seriya nömrəsi silinməməlidir. Bunu isə yoxlamaq asandır. Sadəcə barmağınızla üzərinə möhkəm sürtün.

4. Əlavə konstruksiyalar
Qutunun içində flakonu möhkəm tutması üçün karton əlavələr olur. Bu əlavələr müxtəlif formada olsalar da, orijinal ətirlərdə mütləq mövcud olurlar.

5. Rəng
Əgər sevimli ətrinizin rəngi tünddürsə, rəsmi vebsaytda yayımlanan fotosuyla əlinizdəki ətrin rəngini müqayisə edin. Ümumi götürsək, adətən məşhur ətir markalarının rəngləri daha zərif olur, kəskinlikdən uzaq durulur.

(Pahoo.az)

Orijinal ətri saxta ətirdən ayırmağın 5 yolu - FOTOLAR
Orijinal ətri saxta ətirdən ayırmağın 5 yolu - FOTOLAR
Orijinal ətri saxta ətirdən ayırmağın 5 yolu - FOTOLAR
Orijinal ətri saxta ətirdən ayırmağın 5 yolu - FOTOLAR