» » "Parni iz Baku"nun rəhbərinə vəzifə verildi - VİDEO

"Parni iz Baku"nun rəhbərinə vəzifə verildi - VİDEO

"Parni iz Baku"nun rəhbərinə vəzifə verildi - VİDEO

Rusiyanın nüfüzlu NTV telekanalının baş prodüseri "Vayt Media" prodakşn-şirkətinin banisi Timur Vaynşteyn olacaq.

Ucarliyiq.biz anspress-ə istinadən bildirir ki, həmyerlimiz yeni vəzifəsinə sabahdan başlayır.

Vaynşteyn 2014-cü ildən telekanalda bu vəzifədə işləmiş Danil Şarapovu əvəz edəcək. Bu barədə xəbəri Timur və NTV telekanalının nümayəndəsi təsdiq edib.

"TNS Russia"nın məlumatına görə, NTV telekanalının 18+ məqsədli auditoriyada payı son beş il boyunca enib. 2014-cü ildə NTV kanalına 11,8% tamaşaçı baxıb, 2013-cü ildə bu 13,3% təşkil edib, 2012-ci ildə - 14,7%, 2011-ci ildə - 15%, 2010-cu ildə -15,9%. Vaynşteynin gəlişiylə kanalın konsepsiyasının necə dəyişəcəyi barədə tərəflər danışmağa başlamayıb. Kanal rəhbərliyi yalnız belə peşəkarın gəlişinə çox şad olduğunu qeyd edib.

NTV telekanalı "Qazprom-media"ya daxildir. Holdinqə həmçinin "Pyatniça",TV-3,TNT, 2х2, "Matç TV" kanalları aiddir. "Comedy Club Production" şirkəti, GoodStory Media və bir sıra başqa radiostansiyalar "Qazprom-media"ya daxildir.

1971-ci il martın 1-də Bakıda anadan olan Timur Vaynşteyn 1991-ci ildə "Parni iz Baku" Şən və Hazırcavablar klubunun bədii rəhbəri olub. Rusiya televiziya akademiyasının üzvüdür. O, ən iri Rusiya telekanallarında yayımlanan 150-dən çox layihənin prodüseridir. "Vayt Media" Timur Vaynşteyn tərəfindən 2010-cu ildə yaradılıb. Prodüserin ən məşhur layihələri arasında - "Soldatı", "Şaslivi v meste", "Rodina" serialları var.