» » Dünyanın ən çox gözlənilən doğuşu

Dünyanın ən çox gözlənilən doğuşu

Dünyanın ən çox gözlənilən doğuşu

ABŞ-ın paytaxtı Vaşinqton şəhərində böyük panda iki bala dünyaya gətirib.
Ucarliyiq.biz xəbər verir ki, ayı balaları süni mayalanma nəticəsində dünyaya gətirilib. Zoopark qoruqçuları Mey Syan adlı heyvanın hamilə olduğunu yalnız bir həftə əvvəl biliblər. Onun qəfəsində kamera quraşdırılıb və insanlar zooparkın internet saytına girərək doğuşu canlı izləyə biliblər.
Mey Syan daha əvvəl də 4 bala dünyaya gətirib. Amma onlardan yalnız ikisi sağ qala bilib.
Vaşinqton zooparkı ABŞ-ın böyük panda saxılanılan dörd zooparkından biridir. Bu heyvanxanalardakı pandaların hamısı Çindən gətirilib.
Ümumiyyətlə, böyük panda dünyanın məhv olmaq təhlükəsi ilə üz-üzə qalan nadir heyvanlarındandır və onlar çox nadir hallarda çoxalırlar.
Hal-hazırda Çinin vəhşi təbiətində cəmi 1800 böyük panda var. Onların əksəriyyəti Çinin mərkəzi Sıçuan əyalətində yüksək dağlıq yerlərdəki meşələrdə yaşayır.

Mənbə: Ans</span