» » Azərbaycanlı Ginnesin Rekordlar Kitabına düşdü – Fotolar

Azərbaycanlı Ginnesin Rekordlar Kitabına düşdü – Fotolar

Azərbaycanlı Ginnesin Rekordlar Kitabına düşdü – Fotolar

ABŞ-da azərbaycanlı Çarli Çaplin kimi tanınan sirk ustası Üzeyir Novruzov Ginnesin Rekordlar Kitabına düşüb.

Ucarliyiq.biz-ın "Qafqazinfo"-ya istinadən verdiyi xəbərə əsasən, bunu Üzeyir Novruzov özü təsdiq edib.

Üzeyir Novruzovun bildirdiyinə görə, dünən Çinin paytaxtı Pekində keçilən mərasimdə onun dünya rekordunu yenilədiyi təsdiqlənib.

Sirk ustası bu rekorda 6 metrlik nərdivanın üzərində fasiləsiz 7 dəqiqə 50 saniyə dayanmaqla imza atıb.

Xatırladaq ki, ABŞ və Azərbaycan auditoriyasına Americas Got Talent şousuna qatılmaqla təqdim olunan Üzeyir Novruzov göstərdiyi təhlükəli nömrələrlə qısa vaxt ərzində tanınmağa başlamışdı. Şounun yarım finalında hündür nərdivanın üzərində nömrə göstərmək istəyərkən yıxılmasına baxmayaraq o, izləyicilərin verdiyi səslər sayəsində Americas Got Talent şousunun finalına çıxa bilmişdi.

Finalda zədələri səbəbilə yüksək performans göstərə bilməyən azərbaycanlı Çarli Çaplin milyonlarla izləyicinin rəğbətini qazanmışdı.