» » Nazpəri: Ərim mənə xəyanət etdi, bağışlamadım – VİDEO

Nazpəri: Ərim mənə xəyanət etdi, bağışlamadım – VİDEO

Nazpəri: Ərim mənə xəyanət etdi, bağışlamadım – VİDEO

Xalq artisti Nazpəri Dostəliyeva ARB TV-nin “Gəlin danışaq” verilişində maraqlı açıqlamalar verib.

ucarliyiq.biz Qafqazinfo-ya istinadla xəbər verir ki, müğənni bu sənəti seçməsinin ailəsində yaratdığı narazılıqlardan danışıb: 

“Atam sənətkar idi. Görürdü ki, mənim iç dünyamda nə boyda sənət var. O, məni çox gözəl başa düşürdü, amma qardaşlarım gənc idi, istəmirdilər. Böyük qardaşım Ağalar çox ciddi idi. Heç vaxt icazə verməzdi ki, qız manikürə, salona getsin. Ancaq o biri qardaşlarım heç qarışmazdı. Sadəcə olaraq narazılıq var idi.

Mənim böyük qardaşım əsəbləşməsin, evdə söz-söhbət olmasın deyə atam düşünüb-daşınıb dedi ki, ailə qurmağın vaxtıdır. Qoy sənin də bu sənətini müdafiə edənin olsun, qardaşın artıq müdaxilə etməsin”.

Sənətçi 15 yaşında ərə getməsindən də danışıb:

“Misal üçün, bir gənc qızın 15 yaşında ərə getməyinə mən bu gün qəti “yox” deyərəm. Amma mən 15 yaşımda ailə qurdum. Bir sənətlə alışıb-yanan övlad oğlandır, qızdır, fərqi yoxdur, mən ona “hə” deyərdim, ona səhnəyə çıxmasına kömək edərdim. Mənim o yaşda ailə qurmaq ağlıma belə gəlmirdi.

Təsəvvür edin ki, vağzalı çalınır, mən gedirəm, atam çıxdı ki, mənə xeyir-dua versin. Mən atama dedim ki, ata, mən hara gedirəm? Atam başını aşağı salıb, çox pis oldu. Dedi ki, bala qonaq gedirsən, rayona gələcəksən. Mənim başımı aldatdı. Görür uşağam, heç başa düşmürəm. Deyirəm, papa, tez qayıdım da, nə olar. Yəni bu dərəcə də saf, sadə, heç nədən xəbəri olmayan bir uşağın hara getdiyi belə ona hələ çatmır”.

 Dostəliyeva müğənnilik etmə istəyinin həyat yoldaşı tərəfindən də əngəlləndiyini bildirib:

“Sözsüz, həyat yoldaşım məndən çox böyük idi. Yaşını deməyəcəm. Dünyasını dəyişib. Allah rəhmət eləsin! Gözəl insan idi. Övladlarımın atasıdı. Nə isə. Mən heç vaxt dünyasını dəyişmiş insanların artıq nöqsanlarını, səhvlərini danışmıram, amma o da mənə icazə vermədi. Elçi gəldikləri vaxt anama demişdilər ki, icazə verəcəyik. Mənim üçün çox gəzlənilməz oldu. Ali təhsilli, alicənab bir insan idi. Yəqin ki, o, məni başa düşərdi.

O da istəmədi. Mən çox pis oldum, həyat mənim gözümdə bir anlıq söndü. Düşündüm ki, mənim taleyimə belə bir qara bəxt yazılıbmış. Mən o həyatı 8 il yaşadım. Hətta 9 ildən artıq. Qəfəsdə çırpınan, qolu, qanadı sınan quş kimi çapalayırdım. Eyni zamanda mən 2 övladımı böyütdüm, onların dünyaya gəlməsi mənim yaşam tərzim üçün stimul oldu”.

Məşhur müğənni həyat yoldaşından xəyanətə görə ayrıldığını söyləyib:

“Hər şey onun bircə səhvinin ucbatından oldu. Mən yenə deyirəm, bütün qadınlar onu bağışlayardı, o səhv bütün kişilərdə ola bilərdi, amma mən bağışlamadım. Bilirsənmi necə, hər şey sübut olunduğu gün ki mən onu bağışlamayacam, onun ağlına belə gələməzdi ki, mən ciddiyəm. Amma mən sözümü bir dəfə dedim. Çünki özüm xəyanət etməyi sevmirəm.

Əgər mən xəyanət etməyi sevmirəmsə, öz intiharıma belə razı olaram, ancaq mənə edilən xəyanəti bağışlamıram. Bu bizim ayrılığımıza böyük səbəb oldu. Onun heç yatıb yuxusuna da gəlməzdi ki, biz ayrıla bilərik”.

Xalq artisti həyat yoldaşı ilə yaşadığı son günün detallarını açıqlayıb:

“Biz 2 dost kimi əyləşdik. Mən, hətta gözəl bir süfrə də açdım, gözəl bir sarı qızılgül qoydum masaya. O başa düşmədi ki, nə var, nə yox. O, sadəcə olaraq öz peşmançılığını bildirdi, üzr istədi. Mən isə ona qulaq asmırdım.

Bir fikrimi dedim ki, bu, bizim son gecəmiz, son içdiyimiz bir stəkan çay, son romantik yaşadığımız həyat olacaq. Ancaq yenə o inanmadı. O, bir vaxt gözünü açdı ki, artıq biz tamamilə ayrı-ayrı adamlarıq”.