» » Ərdoğan və Obama arasında telefon danışığı olub

Ərdoğan və Obama arasında telefon danışığı olub

Ərdoğan və Obama arasında telefon danışığı olub

Ölkə liderləri terrorla mübarizəni davam etdirməkdə qətiyyətli olduqlarını bildiriblər.

Türkiyə prezidenti Rəcəb Tayyib Ərdoğan və ABŞ prezidenti Barak Obama arasında telefon danışığı olub.

ucarliyiq.biz-ın məlumatına görə, bu barədə Hurriyet qəzeti Ərdoğanın administrasiyasındakı mənbəyə istinadən xəbər verir.

Məlumata görə, telefon danışığı zamanı, Obama Ərdoğana İstanbulda və Diyarbəkir əyalətində törədilən terror aktları ilə bağlı başsağlığı verib. İki ölkə lideri həmçinin İŞİD və PKK terror qruplaşmaları ilə mübarizəni davam etdirməkdə qətiyyətli olduqlarını bildiriblər.      

Qeyd olunur ki, Türkiyə-ABŞ əlaqələri, həmçinin terrorçuluqla mübarizə məsələləri yanvarın 24-də ABŞ vitse-prezidenti Cozef Baydenin Türkiyəyə səfəri çərçivəsində Ərdoğan və XİN rəhbəri Əhməd Davudoğlu ilə görüş zamanı da müzakirə ediləcək.