Bakının Ağ Şəhəri belə görünəcək (FOTO)

Bakının Ağ Şəhəri belə görünəcək (FOTO)
Nobel Prospekti öz simasını dəyişir. Mayın 25-də Azərbaycan Prezidenti İlham Əliyev Bakı Ağ şəhər bulvarının təməlini qoyub. Həmin bulvar 3 km uzanmaqla Bakı bulvarını dünyanın nəinki ən gözəl, həmçinin ən uzun bulvarına çevirəcək.

Bakı Ağ Şəhər layihəsi çərçivəsində bulvar xəttinin uzadılması ilə yanaşı, Nobel prospekti də öz simasını dəyişəcək. Prospektin yenidən qurulma işləri Bakı Ağ Şəhər Ofis Binasının qarşısında olan və bütün layihənin təməl daşı yerləşən meydançadan başlayır. “Bakı Ağ Şəhər” layihəsinin piyadalar üçün rahat və prioritet hərəkət şəraiti yaradan gəzinti sahələri, küçə və meydanları şəbəkəsinin davamı olaraq, prospekt eni 20 metrə kimi geniş piyada səkiləri, gözəl ağacları olan şəhər gəzinti bulvarına çevriləcək.

X.Rüstəmov küçəsinin yenidən qurulması nəticəsində, Nobel prospektində iki yeni yeraltı piyada keçidi inşa ediləcək. Layihəyə görə, bu küçənin Nobel prospekti ilə kəsişməsində 4 çıxışı olan yeraltı piyada keçidinin tikintisi aparılmaqdadır.

Bakı Ağ Şəhərin nəqliyyat infrastrukturunun inkişaf etdirilməsi istiqamətində, Xətai metro stansiyasından sonra gələn yeni metro stansiyasının yerləşməsi və çıxışları razılaşdırılıb. Həmin stansiyanın olması bu rayonda yaşayan və işləyənlər üçün əlavə rahatlıq yaradacaq. Yeni metro stansiyasının müxtəlif istiqamətlərdə, o cümlədən yeni Fontanlar Meydanının və Ticarət-Əyləncə mərkəzinin lap yaxınlığında 5 çıxışı olacaq. Bu çıxışlar piyadaların Nobel prospektindən təhlükəsiz yeraltı keçidini təmin edəcəklər.

Azərbaycan Respublikası Hökumətinin və Bakı şəhər İcra Hakimiyyətinin əlverişli investisiya mühiti üçün yaratdıqları şəraitin nəticəsi olaraq, Bakı Ağ Şəhər-də tikinti işləri eyni zamanda bir neçə rayonda tam sürətlə aparılır.

Yaşıl Ada (Green Hill) rayonunda təmizləmə işləri başa çatıb, layihənin şimal və mərkəz hissələrində isə təmizlənmə işləri yüksək sürətlə davam etdirilməkdədir.
Yaşıl Ada (Green Hill) rayonunda Atkins memarlıq şirkətinin yerli mütəxəssislərlə birgə xüsusi olaraq “Bakı Ağ Şəhər” üçün işləyib-hazırladığı və öz yaşayış şəraitini yaxşılaşdırmaq istəyən şəhər sakinlərinin getdikcə daha çox bəyəndiyi fransız üslublu yaşayış kompleksləri inşa edilməkdədir.

Nobel prospektində, Baki Ağ Şəhər-ə girişi bildirən və artıq beynəlxalq memarlıq aləmində geniş tanınmış və hələ layihələndirmə mərhələsində dəfələrlə müxtəlif beynəlxalq sərgilərdə mükafatlara layiq görülmüş Bakı Ağ Şəhər Ofis Binasının tikintisi davam edir. İcra edilmə mərhələsində isə Bakı Ağ Şəhər Ofis Binası nüfuzlu beynəlxalq Asia Pacific Property Awards 2013 sərgisində eyni zamanda iki kateqoriyada - Ofis binası və Ofis arxitekrurası nominasiyalarında mükafatlar alıb.

Eyni zamanda, Park rayonunun ərazisi aktiv olaraq işlənməkdədir. Ümumi sahəsi 24 ha olan və Bakı Ağ Şəhər-in şərqindən qərbinə keçən yüksəklikdə yerləşən Park Rayonu, orta hündürlüyü 19 mərtəbəyə qədər olan binalar sırası kimi layihələndirilmişdir. Layihəyə görə, hər bir bina ticarət sahəsi kimi təqdim ediləcək kürsüdə yerləşəcək.

Tikinti zamanı həm gözəlliyi, həm də fasadın uzunömürlülüyünü saxlamağa imkan verən müasir mühəndis həlləri tətbiq edilir, keramik materiallardan istifadə olunur. Nizami parkından yuxarıda – dəniz səviyyəsindən 25 metr yüksəkdə yerləşdiyinə görə, rayonun sahilyanı bulvara və Bayraq Meydanına gözəl görüntüsü olacaq.
Fransız üslublu binalardan fərqli olaraq, bu evlər daha geniş planlaşdırılıb.

Yenidən qurulmadan sonra ən qədim parklardan biri olan Nizami Parkı şəhərin ən gözəl parklarından birinə çevriləcək.

Yeni bulvar xəttinin və Nobel prospektinin abadlaşdırılmasının və yenidən qurulmasının məntiqi sonu - Mərkəzi İş Rayonunu və Fontanlar Rayonunu layihənin sahilyanı hissəsindəki Ticarət-Əyləncə Mərkəzi və yeni bulvar ilə birləşdirən və onun əsas bəzəyi və strateji hissəsi olan piyada körpüsüdür.

Bakı Ağ Şəhər layihəsi dəfələrlə böyük beynəlxalq sərgilərdə, o cümlədən Cityscape Global 2011 (Dubay) və MIPIM Asia 2011 (Honq-Konq) sərgilərində müvafiq olaraq, “Ən yaxşı şəhərsalma layihəsi” və “Gələcəyin ən yaxşı layihəsi” nominasiyalarında birincilik əldə edib. Bakı Ağ Şəhər layihəsinin baş məsləhətçisi rolunda mühəndis layihələndirilməsi sahəsində dünyanın tanınmış beynəlxalq şirkəti Atkins (Böyük Britaniya) çıxış edir. Layihə üzərində işə Azərbaycanlı mütəxəssislərlə yanaşı, əsası əfsanəvi Norman Foster tərəfindən qoyulmuş məşhur Fosters and Partners arxitektura şirkəti və kommersiya məkanlarının işlənilməsində böyük təcrübəyə malik Amerikanın F+A Architects arxitektura bürosu da cəlb olunub.
Bakının Ağ Şəhəri belə görünəcək (FOTO)
Bakının Ağ Şəhəri belə görünəcək (FOTO)
Bakının Ağ Şəhəri belə görünəcək (FOTO)
Bakının Ağ Şəhəri belə görünəcək (FOTO)
Bakının Ağ Şəhəri belə görünəcək (FOTO)
Bakının Ağ Şəhəri belə görünəcək (FOTO)
Bakının Ağ Şəhəri belə görünəcək (FOTO)
Bakının Ağ Şəhəri belə görünəcək (FOTO)
Bakının Ağ Şəhəri belə görünəcək (FOTO)
Bakının Ağ Şəhəri belə görünəcək (FOTO)
Share

Oxşar xəbərlər

0 Rəylərin sayı:.

Rəy əlavə et

*
  • sual: Özğə malı can ..... ?
  • Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Şəkil Rəng seçimi | Gizli mətn Məqalə qoş seçilən mətni kril əlifbasına çevir Spoyler

    Şəxsi mesajlar

    Sizin yazışmalar