» » İspaniyada ağır qəza: 14 tələbə öldü

İspaniyada ağır qəza: 14 tələbə öldü

İspaniyada ağır qəza: 14 tələbə öldü

Tələbələr “Las-Falyas” bayramından qayıdırdılar.

İspaniyanın Tarraqona şəhəri yaxınlığında avtobus və minik avtomobilinin toqquşması nəticəsində 14 nəfər ölüb, daha 43 nəfər isə xəsarət alıb.

Oxu.Az-ın məlumatına görə, bu barədə xəbəri El Pais nəşri yayıb.

Qəza Freinals rayonunda AP-7 yolunda baş verib. Avtobusda Valensiyadan hər il keçirilən “Las-Falyas” bayramından tələbələr qayıdırdılar.

Kataloniyanın Daxili işlər naziri Xordi Jane bildirib ki, qəzaya səbəb hava şəraitinin pis olması ilə yanaşı, insan faktoru da səbəb ola bilər. O, həmçinin əlavə edib ki, xəsarət alan 43 nəfərin həyatına heç bir təhlükə yoxdur.

Qəza yerində 17 yanğınsöndürən və təcili tibbi  yardım briqadası işləyir.