» » Ərdoğan: Allah yolunda ölənlərə, öldürülənlərə ölülər deməyin – FOTO

Ərdoğan: Allah yolunda ölənlərə, öldürülənlərə ölülər deməyin – FOTO

Ərdoğan: Allah yolunda ölənlərə, öldürülənlərə ölülər deməyin – FOTO

“Ağlama, düşməni sevindirmə”

Antiterror əməliyyatlarında ölkə üzrə verdiyimiz şəhid sayı 300-ü keçib. Terrorçular isə bundan 10 qat artıq itki veriblər.

ucarliyiq.biz ANS PRESS-ə istinadən xəbər verir ki, bunu Türkiyə prezidenti Rəcəb Tayyib Ərdoğan deyib.

Yozqat şəhərində açılışa qatılan prezident əhaliyə müraciət edib.

“Allah yolunda ölənlərə, öldürülənlərə ölülər deməyin. Yozqat 10 şəhid verib. Onlardan 7-si hərbçi, 3-ü isə polisdir. Şəhidimizin qanını yerdə qoymadıq, qoymayacağıq. Övladını millət, vətən, bayraq təhlükə altında olanda savaşa göndərən bütün anaların əllərindən öpürəm”.

Prezident terrorla mübarizənin son ana qədər davam edəcəyini deyib.

Türkiyə prezidenti Rəcəb Tayyib Ərdoğan antiterror əməliyyatı zamanı şəhid olan xüsusi təyinatlılardan birinin - Şırnakda ötən gün şəhid olan 23 yaşlı Osman Belkayanın cənazə mərasiminə qatılıb.

Şəhidin ailəsi və yaxınlarına başsağlığı verən Ərdoğan cənazə namazında da ən ön sırada olub. Dövlət başçısından əlavə namazda ədliyyə naziri, hakim partiyanın rəsmiləri də iştirak ediblər.

Şəhidin cənazəsi morqdan birbaşa vida üçün nəzərdə tutulan yerə gətirilib. Yüzlərlə insanın qatıldığı mərasimdə şəhid yaxınlarının sözləri ürəkləri parçalayıb.

“Məni şəhid anası etdin, qürurluyam. Harandan vurulmusan, oradan öpəcəyəm. Balam üşüyər, məni də onun yanına qoyun”, - deyə şəhid anası göz yaşı töküb.

Vidanın ən diqqətçəkən məqamı isə şəhidin yaşlı babasının özünün cib dəsmalı ilə qaravulda olan əsgərlərdən birinin göz yaşını silməsi olub.

Tabutun başında dayanan əsgərin göz yaşını silən baba “ağlama, düşməni sevindirmə” deyərək əsgərə dəstək olmağa çalışıb.

Ərdoğan: Allah yolunda ölənlərə, öldürülənlərə ölülər deməyin – FOTO

Ərdoğan: Allah yolunda ölənlərə, öldürülənlərə ölülər deməyin – FOTO

Ərdoğan: Allah yolunda ölənlərə, öldürülənlərə ölülər deməyin – FOTO

Ərdoğan: Allah yolunda ölənlərə, öldürülənlərə ölülər deməyin – FOTO