» » Yol polisi ilə sürücünün şeytan söhbəti

Yol polisi ilə sürücünün şeytan söhbəti

Yol polisi ilə sürücünün şeytan söhbəti

Olmuş hadisədir və bunu avtosfer.az-a şəkili sürücü özü danışıb. Kafe işlədən şəkili sürücü marketin qarşısında maşını saxlayıb göy-göyərti alır. Marketdən çıxanda görür ki, maşının yanında bir yol polisi əməkdaşı dayanıb. Sürücü maşına yaxınlaşanda yol polisi əməkdaşı sənədləri tələb edir və sürücüyə bildirir ki, dayanma-durma qaydalarını pozub. Yaşlı sürücü də yol polisinə bildirir ki, beş dəqiqəlik dayanıb marketdən göyərti alıb və indi sürüb gedir.

Yol polisi:

- Xeyr, sənədləri verin. Cərimə yazacam.

Şəkili sürücü:

- Axı mən gedirəm, cərimə yazmayın. Nə olar ki, beş dəqiqəlik dayanmışdım, indi sürüb boşaldaram yolu.

Yol polisi:

- Olmaz. Qayda pozmusunuz, cərimə yazacam.

Sürücü yol polisinin inadkarlıq etdiyini görüb xeyli çək-çevirdən sonra "Lənət sənə, kor şeytan" deyib maşına minmək istəyir.
Yol polisi:

- Nə dedin? Məni təhqir edirsən? Yaxamda mikrofon var, səsini yazır. Gör sənin başına nə oyun açacam!

Şəkili sürücü:

- Ha indi sən şeytansan?