» » "Əri onu ikinci arvadın puluyla saxlayır"

"Əri onu ikinci arvadın puluyla saxlayır"

"Əri onu ikinci arvadın puluyla saxlayır"

Əməkdar artist, aktrisa Hicran Nəsirova çəkildiyi "Vicdan haqqı" serialından sonra insanların qınağına tuş gəlib. Hətta yolda, getdiyi yerlərdə onu günahlandıranlar da olub.

Ucarliyiq.biz bildirir ki, publika.az-a danışan aktrisa insanların haqsız olduğunu deyib: "Serialda qayınana obrazında çıxış edirəm. Oğlumun iki arvadı var. Onun Rusiyadan gətirdiyi ikinci arvadla münasibətimin yaxşı olması tamaşaçılar tərəfindən birmənalı qarşılanmadı. Mənə dedilər ki, nahaq tərəf tutursan, o biri gəlininin də qeydinə qalmalısan. Mən onlara başa sala bilmirəm ki, günah birinci gəlin Dilarədədir.

Dilarə məndən inciyir ki, niyə oğlunun Rusiyada arvad aldığını bilə-bilə mənə demirdin. Mən ona hirslənirəm ki, 8 il ərzində ərindən xəbərin vardı? Bilirdin orada nə yeyib, nə içir, oğlumun ikinci arvadı olmasaydı, bəlkə də onu öldürəcəkdilər. Deyirəm, ay qız, ərin səni ikinci arvadın puluyla saxlayır, yoxsa indi villada oturub, uşaqlarınla xoşbəxt olmazdın. Gəlinim Dilarə rolunda oynayan aktrisa Kəmalə də hətta tamaşadan sonra məni günahkar sayır. Deyirəm, ağıllı qadın biləndə ki, ərininin qıraqda arvadı var, dava-dalaş salmır, kişini öz tərəfinə çəkir. Sənsə gündə dava-dalaş salırsan, köhnə palan içi töküb kişini özündən uzaqlaşdırırsan".