» » Moskvada erməni deputatının düşmənlərini güllələdilər

Moskvada erməni deputatının düşmənlərini güllələdilər

Moskvada erməni deputatının düşmənlərini güllələdilər

Yeni Moskva ərazisində kirayə mənzildə odlu silahdan qətlə yetirilmiş, əslən Ermənistandan olan iki nəfərin meyiti aşkarlanıb. 

Ucarliyiq.biz xəbər verir ki, Ermənistanın Rusiyadakı səfirliyinin məlumatına görə, ölənlər 43 yaşlı Eduard Nşanyan və 46 yaşlı Armen İsraelyandır. 

Ermənistanın İstintaq Komitəsi bu qətldə ölkə vətəndaşından şübhələndiklərinə dair məlumat yayıb. 

“Qətlə yetirilən hər iki şəxsin baş nahiyəsində güllə yarası var. Bu isə qətli törədənin peşəkar qatil olduğunu və qətli soyuqqanlılıqla törətdiyini göstərir”, - bunu Yerevanın “Qrapark” qəzeti yazıb. 

Nəşrin məlumatına görə, “Rıba” (“Balıq”) ləqəbli Armen İraelyanın və “Tsıplenok” (“Cücə”) ləqəbli Eduard Nşanyanın qətli günün xəbərinə çevrilib. Belə ki, İsraelyanın Ermənistan parlamentinin deputatı və ölkənin ən zəngin insanlarından biri Samvel Aleksanyan ilə köhnə hesabı mövcud idi. 

“Qrapark” xatırladır ki, təxminən iyun ayında İsraelyan bir sıra KİV-ə verdiyi müsahibələrində Aleksanyanın onun əmlakını və biznesini əlindən aldığını, özünü isə anbarlarının birində bir müddət girov saxladığını bildirib. 


ucarliyiq.biz