» » Türkiyədə qondarma “erməni soyqırımı”na həsr olunmuş konsert ləğv olunub

Türkiyədə qondarma “erməni soyqırımı”na həsr olunmuş konsert ləğv olunub

Türkiyədə qondarma “erməni soyqırımı”na həsr olunmuş konsert ləğv olunub

Almaniya XİN-i Drezden simfonik orkestrinin ölkənin İstanbuldakı baş konsulluğunda keçirilməsi nəzərdə tutulan konsertini ləğv edib. 

Ucarliyiq.biz APA-ya istinadən xəbər verir, konsertdə qondarma “erməni soyqırımı”na həsr olunmuş “Aghet” əsərinin ifa olunması nəzərdə tutulmuşdu.

“Noyabrın 13-də konsert keçirmək üçün baş konsulluğun binasında boş otaq olmayacaq”, - deyə DPA agentliyinə Almaniya XİN-dən bildirilib.

Agentliyin məlumatına görə, XİN qonaq qismində konsertə kimlərin dəvət edildiyini öyrəndikdən sonra tədbiri ləğv etməyə qərar verib. Dəvətnamələrin Türkiyə prezidenti Rəcəb Tayyip Ərdağan, baş nazir Binəli Yıldırım, XİN rəhbəri Mövlud Çavuşoğlu və mədəniyyət və turizm naziri Nəbi Avciyə göndərildiyi məlum olub.

Almaniya və Türkiyə arasında bir müddət əvvəl Bundestaqın “erməni soyqırımı”nın tanınmasına dair qətnaməsinin qəbul etməsi ilə bağlı yaşanmış narazılıq fonunda bu cür dəvətlər ən azından qəribə görünür.  

“Dəvətnamələr XİN-in iştirakı olmadan göndərilib”, - deyə nazirlikdən bildirilib.  

Drezden simfonik orkestri “Aghet” əsərini noyabrda Belqradda və İrəvanda ifa etməyi planlaşdırır. 

[/b]
[b]ucarliyiq.biz