» » Tramp bu gün yeni dövlət katibinin adını açıqlayacaq

Tramp bu gün yeni dövlət katibinin adını açıqlayacaq

Tramp bu gün yeni dövlət katibinin adını açıqlayacaq

Massaçusets ştatının keçmiş qubernatoru və ABŞ-ın keçmiş prezidentliyə namizədi Mitt Romni Nyu-Yorkdakı “Trump Tower”də ölkənin yeni seçilmiş prezidenti Donald Trampla nahar etdikdən sonra onun haqqında vəcdlə danışıb.

Ucarliyiq.biz Report-a istinadən xəbər verir ki, Tramp dövlət katibi vəzifəsinə mümkün namizədlərlə görüşməyə davam edir. Bu, artıq Trampın daha əvvəl onun siyasətini tənqid edən M.Romni ilə ikinci görüşü olub.

Lakin ikinci görüşdən sonra ABŞ-ın keçmiş prezidentliyə namizədi Tramp barədə xüsusi coşquyla danışaraq onun amerikalıları daha yaxşı gələcəyə apara biləcək şəxs olmasına inamının gücləndiyini bildirib.

Trampın ABŞ dövlət katibi vəzifəsinə namizədin adı ilə bağlı yekun qərarını bu gün açıqlayacağı gözlənilir.

Qeyd edək ki, M.Romnidən savayı, dövlət katibi olmağa namizədlər sırasında FTB-nin keçmiş direktoru Devid Petreus, Senatın Beynəlxalq Əlaqələr Komitəsinin rəhbəri Bob Korker və Nyu-Yorkun keçmiş meri Rudi Culiani nəzərdən keçirilir.