» » İŞİD 60 ölkəni hədələdi – VİDEO

İŞİD 60 ölkəni hədələdi – VİDEO

İŞİD 60 ölkəni hədələdi – VİDEO

“Müharibə atəşi alovlanacaq və siz ölüm təpələrində yanacaqsınız”.

“İslam dövləti” (İŞİD) terror qruplaşması ingilis dilində yeni video yayıb, onlar videoda Böyük Britaniyanı “iblis koalisiyasının” üzvü olduğu üçün hədələyirlər, Mirror məlumat yayıb.

ucarliyiq.biz xəbər verir ki, klipin dörd dəqiqəsi ərzində İŞİD-ə qarşı koalisiyanın tərkibinə daxil olan 60 ölkənin bayrağı göstərilir.

Video koalisiyaya daxil olan ölkələri qorxutmaq üçündür.

“Bu iblis koalisiyası, İran, Türkiyə və Rusiya ilə birlikdə döyüşə başlayıb. İmansızlar sizə qoşulub haqqa qarşı vuruşacaqlar. Siz çoxaldıqca, bizim imanımız artacaq. Biz sizin bayraqları sayırıq. Bizim peyğəmbər deyib ki, onların sayı 80 olduqda müharibə atəşi alovlanacaq və siz ölüm təpələrində yanacaqsınız”, - videoda deyilir.

Amma bu bayraqlar arasında “İslam dövləti” ilə mübarizəyə cəlb olunmayan Finlandiya, İsveç, Yaponiya, Ukrayna, Meksika kimi ölkələrin də bayraqları var.

Videoda Amerikaya müraciət də yer alıb, müraciətdə ABŞ-ın Əfqanıstan və İraqdakı müharibələrin ordunu zəiflətməsini etiraf etməyə çağırılır.

“Amerika, sən iddia edirsən ki, sənin ordun tarix boyu mövcud olan ən yaxşı ordudur. Sənin çoxsaylı qoşunların ola bilər, amma sənin əsgərlərində iradə və qətiyyət azdır, onların Əfqanıstan və İraqda aldıqları yaraları sağalmayıb”, - məlumatda deyilir.

Xəbər verildiyi kimi bu qəbildən olan videolar rus, türk və fransız dillərində də yayılıb.