» » Avakov Saakaşvilini müdafiə etdi

Avakov Saakaşvilini müdafiə etdi

Avakov Saakaşvilini müdafiə etdi

Ukrayna daxili işlər naziri Arsen Avakov Mixail Saakaşvilinin müdafiəsinə qalxıb.
Ucarliyiq.biz xəbər verir ki, Arsen Avakov səhifəsində Rusiya Prezidenti Vladimir Putinin Mixail Saakaşviliyə dair məsləhətlərinə ehtiyacın olmadığını bildirib. Bu haqda o öz "Facebook" səhifəsində yazıb.
Арсен Аваков on Thursday, 17 December 2015
Avakov statusunda yazıb ki, Saakaşviliyə qarşı olan tənqidi münasibətinə baxmayaraq, Ukraynanın əvəzinə qərar vermək Putinin işi deyil.
Rusiya prezidenti Vladimir Putin gürcüstanlı jurnalistin Rusiya-Gürcüstan münasibətləri haqqında sualını cavablandırarkən deyib ki, "Saakaşviliyə vəzifə vermək Ukrayna xalqının üzünə tüpürmək deməkdir."
2013-cü ildə Gürcüstan prezidenti vəzifəsini başa çatdıran Mixail Saakaşvili bir müddət Avropa və ABŞ-da hüquq sahəsində çalışdıqdan sonra Ukraynaya yollanıb. 2014-2015 Ukrayna siyasi mühitində mühüm rollardan birini oynayan Mixail Saakaşvili prezident Petro Poroşenko tərəfindən Odessa vilayətinin qubernatoru təyin edilib.
Bir neçə gün əvvəl Saakaşvili Arsen Avakovla mübahisəsinə görə gündəmə gəlib. İnsidentlə bağlı Avakov öz fikirlərini "Facebook"da bölüşüb.
Avakov Saakaşvilini müdafiə etdi