» » İŞİD yaraqlıları daha bir jurnalisti edam etdilər

İŞİD yaraqlıları daha bir jurnalisti edam etdilər

İŞİD yaraqlıları daha bir jurnalisti edam etdilər

O, “Nisan İbrahim” təxəllüsü ilə yazırdı.

İŞİD yaraqlıları mülki jurnalist Ruqiya Hassanı edam ediblər, Suriyanın jurnalist təşkilatı məlumat yayıb. 

Təşkilatın məlumatına əsasən, Hassan oktyabrdan bu vaxta qədər radikalların edam etdikləri beşinci jurnalistdir.

ucarliyiq.biz lenta.ru-ya istinadən xəbər verir ki, Hassan “Raqqa is Being Slaughtered Silently” (qrupun adı “Rakkanın səssiz məhv edilməsi” kimi tərcümə edilə bilər – “lenta.ru”) qrupu ilə əməkdaşlıq edirdi, bəzən “Nisan İbrahim” təxəllüsü ilə yazırdı.  

O, İŞİD-in işğal etdiyi ərazidə, əsasən də Rakkada baş verənlər barədə sosial şəbəkələrdəki səhifələrində danışırdı.

Radikalların fəaliyyəti barədə tənqidi yazılar yazan Hassan keçən ilin iyul ayından dekabr ayına qədər itkin düşüb. 

Syria:direct-in məlumatına görə, İŞİD onun qohumlarını edam edəcəyi barədə xəbərdar edib. Hassan casusluqda ittiham edilərək ölümə məhkum edilib.