» » » Bananda yoluxucu xəstəlik qorxusu

Bananda yoluxucu xəstəlik qorxusu

Bananda yoluxucu xəstəlik qorxusu

"İnternetdə banana iynə ilə xəstəlik, qan yeridilməsi barədə məlumatlar gördüm. Buna o qədər də inanmırdım. Lakin özüm şahidi olduqdan sonra qorxuya düşdüm. Yaxşı ki, yeməmişdən öncə meyvəni kəsmişəm". Bunu Çinarə Hümbətova adlı iki uşaq anası deyir.
Neçə vaxtdır sosial şəbəkələrdə bananla bağlı yayılan və müzakirələrə səbəb olan fotolar insanlar arasında təşvişə səbəb olub. Ucarliyiq.biz xəbər verir ki, fotolardan da görünür ki, bananın içərisində qan laxtaları var. Bunun kim və hansı üsulla banana yeridilməsi məlum olmasa da, bu barədə gəzən söz-söhbətlər o qədər də ürək açan deyil. Deyilənlərə görə, bu, yoluxucu xəstəlik tutan insanlar tərəfindən həyata keçirilir. Buna səbəb isə xəstəlik tutmuş insanın digər insanları da bu xəstəliyə yoluxdurmaq istəyidir.
Tibb Elmləri doktoru, həkim Adil Qeybulla deyir ki, bu, cəmiyyətdə yaranmış ilk hal deyil: "Yoluxucu xəstəlik daşıyıcılarında belə bir psixologiya var ki, o, hər hansı bir xəstəliyə tutulubsa, digərləri də tutulmalıdır. Ona görə vərəm xəstələri qəpikləri ağızlarına vurub, hara gəldi atırlar ki, onu götürənlər də bu xəstəliyi tutsunlar. Ağız yolu ilə keçən xəstəliklər yalnız bu şəkildə yayıla bilər. Buraya bağırsaq çöpləri də aiddir".
Bananda yoluxucu xəstəlik qorxusu

İçərisindən qan laxtası çıxan banan
Həkim deyir ki, banan kimi meyvəyə bu laxtalar gövdəsindən, zoğundan daxil ola bilməz. "Meyvənin içərisində kənar cismin olması yalnız yeridilmə yolu ilə mümkündür. Yəni, bu, kənardan müdaxilə ola bilər. Həmin yad cismin yoluxucu xəstəlik olub-olmaması və ya bananı yeyərkən xəstəliyin insana keçib-keçməməsini, onu araşdırdıqdan sonra demək olar. Əgər o qan laxtasında hepatit, QİÇS varsa, bunun ağız vasitəsilə keçməsi mümkün deyil. Amma başqa tip yoluxucu xəstəliklər var ki, onlar ağız vasitəsilə rahatlıqla yayıla bilər".
Bananda yoluxucu xəstəlik qorxusu

Adil Qeybulla - Tibb elmləri doktoru
Kənd Təsərrüfatı Nazirliyi yanında Dövlət Fitosanitar Nəzarət Xidmətinin mətbuat katibi Rövşən Ziya da hələlik banandakı ləkələrlə bağlı nə isə deməyin mümkün olmadığını deyir. Ümumiyyətlə banan daxilindəki ləkənin qan izi olmasını da söyləmək mümkün deyil. Lakin bir çox göbələk xəstəlikləri zamanı belə rəngli konnidilər əmələ gəlir.
Qurum rəsmisi hələlik bununla bağlı Kənd Təsərrüfatı Nazirliyi yanında Dövlət Fitosanitar Nəzarət Xidmətinə heç bir müraciət daxil olmadığı deyir. "Əgər həmin banandan kimdəsə varsa, göndərsin. Xidmətin əməkdaşları meyvəni laborator analizdən keçirərək, meyvədə hansı xəstəlik daşıyıcı olduğunu müəyyənləşdirsinlər, sonra isə bu barədə konkret fikir səsləndirək.
Yalnız onu deyə bilərik ki, ölkəyə idxal olunan banan və digər meyvə məhsullarının bir neçə şərtlərə cavab verdiyini müəyyən etdikdən sonra idxalına icazə verilib. Ola bilsin ki, meyvə anbarlarda uzun müddət saxlanıldığı üçün hansısa göbələk xəstəliyinə yoluxub, sahibkar isə meyvəni bazara satışa çıxaran zaman bu barədə məlumatsız olub. İstehlakçı da xarab olmuş bananı alıb".
Bananda yoluxucu xəstəlik qorxusu

Nazirlikdən sonda onu da əlavə etdilər ki, əgər vətəndaşlar meyvə-tərəvəz məhsulları alan zaman xoşagəlməz hallarla rastlaşarlarsa, o zaman dərhal Dövlət Fitosanitar Nəzarət Xidmətinə müraciət etsinlər.
Meyvə, tərəvəz, ət vasitəsilə insanların yoluxucu xəstəliyə tutulması dünya təcrübəsində də var. A.Qeybulla deyir ki, bir vaxtlar Almaniyada insanların sürətlə yoluxucu xəstəliyə tutulması halı aşkar olunub. Məlum olub ki, bu xiyardan keçən bağırsaq çöpləridir. Araşdırmalar nəticəsində bəlli olub ki, suvarma zamanı səpilən gübrələrin tərkibində bağırsaq çöpləri olub və bu zoğ vasitəsi ilə xiyarlara keçib. Nəticədə kütləvi xəstəlik yayılıb.
Bir müddət əvvəl də paytaxt Bakıda da bənzər hadisə yaşanmışdı. Belə ki, virus daşıyıcıları ehtimal olunan şəxslər əllərindəki şprisi insanlara batırırdılar. Ehtimal olunurdu ki, bu insanlar virusu başqalarına ötürmək istəyirdilər. Belə hallara, hətta, avtobuslarda da rast gələnlər olub.

Almaniya
Bu meyvədən əsasən uşaq və körpələrin qida rasionunda istifadə edildiyini nəzərə alsaq bananla bağlı problem dərhal araşdırılmalı, meyvənin ayrı-ayrı yerindən nümunələr götürülməli, davamlı elanlar verilməlidir ki, əhali ehtiyatlı olsun. Əgər xaricdən gətirilən bananlarda bu cür yoluxucu xəstəliklər aşkar olunarsa, məsələni beynəlxalq müstəvidə həll etməli, əgər ölkəmizdə meyvəyə yad cismin yeridilməsi aşkar olunarsa, o zaman ölkədaxili cinayətkarları tapıb onları cinayətə cəlb etmək lazımdır.