» » » Azərbaycanda nişan karvanı yasa çevrildi: 5 ölü, 5 yaralı - VİDEO

Azərbaycanda nişan karvanı yasa çevrildi: 5 ölü, 5 yaralı - VİDEO

Azərbaycanda nişan karvanı yasa çevrildi: 5 ölü, 5 yaralı - VİDEO

3 şəxs hadisə yerindəcə keçinib.

Ağdaş-Mingəçevir yolunda dəhşətli qəza baş verib

ucarliyiq.biz Ölkə.az-a istinadən xəbər verir ki, hadisə şahidlərinin verdiyi məlumata görə, Ağdaş-Mingəçevir yolunun 14-cü kilometrliyində baş verən qəzada 5 nəfər ölüb. 

Belə ki, nişandan qayıdan maşın karvanının önündə hərəkət edən “Dodge” markalı avtomobilin sürücüsü Orucov Zaur Eldar oğlu sərxoş vəziyyətdə avtomobili yüksək sürətlə idarə edərək "Niva" markalı avtomobillə toqquşub.

Bundan sonra arxadan gələn "VAZ-21015" markalı avtomobil onlara çırpılıb. Qəza nəticəsində "Niva"da olan 3 şəxs hadisə yerindəcə keçinib. "Dodge" markalı avtomobilin sürücüsü və eyni zamanda bəy olan Orucov Zaur və "VAZ-21015" markalı avtomobildəki sərnişinlərdən biri- Mustafayeva Fərqanə İlham qızı da qəza zamanı vəfat edib.

Hadisə şahidlərinin verdiyi məlumata görə, qəza zamanı 5 nəfərin də yaralanıb və vəziyyətləri olduqca ağırdır.

Yaralılar dərhal Mingəçevir şəhər Mərkəzi Xəstəxanasına çatdırılıb.