» » » İTV-nin jurnalisti bacısının intiharından danışdı - FOTO

İTV-nin jurnalisti bacısının intiharından danışdı - FOTO

İTV-nin jurnalisti bacısının intiharından danışdı - FOTO

“Bacım sadəcə getmək istədi, getdi, səbəbsiz...”

Bacım ya həddindən artıq cəsarətli olub ki, belə bir şeyə cəsarət edib, ya da o qədər zəif olub ki, ona deyilən hansısa söz incidib, qəlbini qırıb.

ucarliyiq.biz xəbər verir ki, bunu ötən gün canına qəsd edən 23 yaşlı Nigar Vahabovanın bacısı, İctimai televiziyada redaktor işləyən Aytac Vahabova bacısının ölümü ilə bağlı atv.az-a açıqlamasında deyib.

İTV-nin jurnalisti bacısının intiharından danışdı - FOTO
Aytac Vahabova

“Saytlar bacımın ölümü ilə bağlı müxtəlif səbəblər yazırlar. Hamısı səhv, yalan məlumatlardır. Bacım sadəcə getmək istədi, getdi, səbəbsiz... Heç nə demədi. Bütün gün əlaqəmiz olub, mənə yazırdı, gülürdük, danışırdıq. Hər şey yaxşı idi, bir anın içində oldu.

İTV-nin jurnalisti bacısının intiharından danışdı - FOTO

Deyirlər guya maddi problemi olub. Onun necə maddi problemi ola bilər? Özünə maşın almaq üçün behini vermişdi, 3 gün əvvəl universitetin təhsil haqqını ödəmişdi, qiyabi oxuyurdu. Bizim ailəmiz elə ailədir ki, heç vaxt söz-söhbət olmur. Hamımız digərimiz üçün canımızı verməyə hazırıq. Sadəcə onun da alın yazısı bu qədər imiş. Həyatında heç kim yox idi, yəni sevgilisi, danışdığı... Sadəcə karyera qurmağı düşünürdü”.

Aytac Vahabova deyir ki, bacısı bir müddət “İki sahil” qəzetinin korrektoru kimi çalışıb: “Bir neçə ay əvvələ qədər orada çalışıb. Sonra xarici şirkətdə işləyirdi. Bacım ya həddindən artıq cəsarətli olub ki, belə bir şeyə cəsarət edib, ya da o qədər zəif olub ki, ona deyilən hansısa söz incidib, qəlbini qırıb. Çox kövrək idi Nigar. Kimsə kiminsə xətrinə dəyəndə o qədər həssas idi ki, ağlayırdı. Çox qorxurdu hər zaman davadan, söz-söhbətdən, bəlkə də bu, səbəb oldu. Amma həmişə yanımızda idi, heç kimlə problemi olmamışdı.

İTV-nin jurnalisti bacısının intiharından danışdı - FOTO

Biz dünən bütün gün danışmışıq. Son olaraq 2-3 saat ərzində əlaqə itdi. Həmişə telefonu kənara atırdı, sonra gəlib görürdü ki, kimsə zəng vurub. Ona görə əvvəl fikirləşdim ki, yəqin zəngimi görmür. Düşündüm ki, həmin müddətdə ingilis dilinə gedirdi deyə onun dərsləri ilə məşğuldu. Sonra xəbər çıxmadıqca narahat olduq, evə gəldik. Biz evə gələndə artıq gec idi. Yanında heç kim olmayıb. Hamımız işdə olmuşuq, qardaşım da orta məktəbdə oxuyur, dərsdə olub. İki bacı, bir qardaş idik.

Heç birimiz onun ölümü ilə bağlı bir şey düşünə bilmirik. İndi sanki onun yenidən diriləcəyinə inanırıq. Elə bilirik yenə yanımıza gələcək. Yanımızda olmadığını dərk edə bilmirik deyə, hansı səbəbdən canına qəsd etdiyinin səbəbini də düşünə bilmirik”.

İTV-nin jurnalisti bacısının intiharından danışdı - FOTO