» » » Göyçayda canavar hücumu

Göyçayda canavar hücumu

Göyçayda canavar hücumu

Kənd sakinlərinə böyük ziyan vurulub.

Göyçay rayonunda qoyun sürüsü canavar hücumuna məruz qalıb. 

ucarliyiq.biz-ın APA-ya istinadən verdiyi xəbərinə görə, hadisə bu gün rayonun Yalman kəndində qeydə alınıb. 

Kənd sakinlərinə məxsus qoyunlar otlaq sahəsində olarkən qəflətən canavarların hücumuna məruz qalıb.

Dörd canavar kənd sakinləri Nurlan Cəlalov və Elşən Cəlalova məxsus 10 baş qoyunu parçalayaraq öldürüb, 7 qoyuna isə ağır xəsarət yetirib. 

Yaralı qoyunlar baytar həkimlərin nəzarətinə götürülüb, onlar quduzluğa qarşı müalicə olunur. 

Kənd sakinləri qış aylarında vəhşi heyvanların tez-tez kəndə hücum edərək qoyunlara və ev quşlarına ziyan vurduğunu deyirlər.əHeyvandarlıqla məşğul olan şəxslər vəhşi heyvanların hücumundan qorunmaq üçün ov tüfəngindən istifadəyə icazə verilməsini istəyirlər. 

Qeyd edək ki, ötən ayın 18-də canavarlar Göyçayın Ləkçiplaq kəndində 7 sakinə məxsus 15 baş qoyunu parçalamışdı.