» » » Keçmiş icra başçısının qızının məhkəməsi başladı

Keçmiş icra başçısının qızının məhkəməsi başladı

Keçmiş icra başçısının qızının məhkəməsi başladı

Şəxsin anket məlumatları dəqiqləşdirilib.

Bakı Apellyasiya Məhkəməsində dələduzluqda təqsirləndirilən Nigar Abdullayeva barəsindəki hökmdən verilmiş apellyasiya şikayəti üzrə məhkəmənin hazırlıq iclası başlayıb.

ucarliyiq.biz report-a istinadən bildirir ki, hakim Mirpaşa Hüseynovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

Məhkəmənin baxış iclası martın 2-nə təyin edilib.

Qeyd edək ki, Salyan rayonunun keçmiş icra başçısı Seyran Seyranovun qızı olan 1982-ci il təvəllüdlü Nigar Abdullayeva 2014-cü ilin sentyabr ayına kimi İqtisadi İnkişaf Nazirliyinin Protokol şöbəsinin rəisi olub. 

O, 500 min manat pulu dələduzluq yolu ilə ələ keçirməkdə təqsirləndirilib. N.Abdullayeva turizm agentliyi qurmaq adı ilə 19 nəfərdən külli miqdarda pul alıb və qaytarmayıb. O, Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi ilə ittiham olunub.

2015-ci il sentyabr ayının 22-də Bakı Ağır Cinayətlər Məhkəməsinin hökmü ilə N.Abdullayeva 8 il müddətinə azadlıqdan məhrum edilib. Hökmdən narazı qalan məhkum apellyasiya şikayəti ilə Bakı Apellyasiya Məhkəməsinə müraciət edib. N.Abdullayeva apellyasiya şikayətinin ilkin qərarından kassasiya şikayəti verib. 

Ali Məhkəmə işə baxılması üçün yenidən Bakı Apellyasiya Məhkəməsinə göndərib.