» » » İlhamə Quliyeva vəfat etdi

İlhamə Quliyeva vəfat etdi

İlhamə Quliyeva vəfat etdi

O, xəstəliklərdən əziyyət çəkirdi.

Azərbaycanın xalq artisti İlhamə Quliyeva bu saatlarda vəfat edib.

ucarliyiq.biz bu barədə Sputnik-ə istinadən xəbər verir.

Səhiyyə Nazirliyinin Təcili Tibbi Yardım Stansiyasından Sputnik-ə bildiriblər ki, onlara bu barədə çağırış 2 saat əvvəl daxil olub və onun vəfatı təsdiqlənib. Yaxın dəqiqələrdə xalq artistinin ölümünün səbəbləri açıqlanacaq.

Sputnik- əməkdaşının hadisə yerindən verdiyi məlumata görə, xalq artistinin yaxınları onun İ.Qutqaşınlı küçəsindəki evinə axışmağa başlayıb.

Qeyd edək ki, İ.Quliyeva son vaxtlar müxtəlif xəstəliklərdən əziyyət çəkirdi. Ən son olaraq adı köməkçisinə qarşı qeyri-qanuni hərəkətlərə yol verməkdə və məhkəmə qalmaqallarında hallanırdı. O, özü isə səhhətində yaranmış problemlərə görə keçmiş köməkçisi Mehriban Hüseynovanı günahlandırırdı. 

İlhamı Quliyeva 17 avqust 1943-cü ildə Bakı şəhərində anadan olub.

1964-cü ildə Azərbaycan Dövlət Universitetini bitirib. 1965-1970-ci illərdə Azərbaycan Dövlət Teleradio Verilişləri Şirkəti Estrada Orkestrinin, 1970-1980-ci illərdə Azərbaycan Dövlət Filarmoniyasının solisti olub. 1980-ci ildən Azərbaycan Dövlət Qastrol-Konsert Birliyinin ("Azkonsert") solisti olub. Repertuarına Azərbaycan və xarici ölkə bəstəkarlarının əsərləri daxildir. Bir sıra xarici ölkələrdə (İngiltərə, İspaniya, Danimarka, Türkiyə, Almaniya və s.) qastrolda olub.

Müğənni Tükəzban İsmayılovanın qızıdır.

Bir oğul övladı var.


  1. ayla 25 fevral 2016 19:16


    ALLAH REHMET ELESIN sad


  2. Ucarliyiz Biz 26 fevral 2016 00:30


    Sevin ki, yaşayasız
    Elə sevin ki, öləsiz
    Öləndə elə ölün ki,
    Qəbriniz üstə gələn olsun,
    Üstünüzə su səpən olsun,
    Qəbrinizdə çiçək olsun,
    Çiçəkləri bitən gəlib
    Dərən olsun,
    Sinənizə sərən olsun.
    Bizə halallıq verən olsun.