» » » Türkiyə XİN-dən Ermənistana - ÇAĞIRIŞ

Türkiyə XİN-dən Ermənistana - ÇAĞIRIŞ

Türkiyə XİN-dən Ermənistana - ÇAĞIRIŞ

“Türkiyə Azərbaycanın ərazi bütövlüyünü dəstəkləməkdə davam edəcək”.

Bu il aprelindən 1-dən 2-nə keçən gecə Ermənistan tərəfindən təmas xəttində Azərbaycana qarşı yönəldilmiş davamlı top atəşini və mülki əhalini də hədəf alan hücumları qınayırıq.

ucarliyiq.biz-ın xəbərinə görə, bu barədə Türkiyə Xarici İşlər Nazirliyinin açıqlamasında bildirilir:

“Ermənistanı atəşkəs rejiminə əməl etməyə və qarşıdurmaya bir an öncə son verməyə çağırırıq”.
 
Türkiyə XİN Ermənistanın təxminən əsrin dörddə biri qədər müddətdə Azərbaycan torpaqlarının bir hissəsini işğal altında saxladığını xatırladıb: 

“Bu işğala son verilmədiyi və Ermənistan təcavüzkar mövqeyindən əl çəkmədiyi müddətcə oxşar qarşıdurmaların baş verməsi təhlükəsi təəssüf ki mövcuddur. Bu çərçivədə BMT Təhlükəsizlik Şurasının da qərarlarını diqqətə alaraq, Ermənistanın işğala bir an öncə son verməsi ilə bağlı çağırışımızı təkrar edirik.
 
Dağlıq Qarabağ münaqişəsinin həlli üçün yaradılmış ATƏT Minsk Qrupunun bir üzvü olaraq Türkiyə, münaqişəyə Azərbaycanın ərazi bütövlüyü və suverenliyi çərçivəsində ədalətli və daimi həllin tapılması yönündəki səyləri dəstəkləməyə davam edəcək”.