» » » Nazirlik: Əmək qanunvericiliyinin pozulması baş verməyib

Nazirlik: Əmək qanunvericiliyinin pozulması baş verməyib

Nazirlik: Əmək qanunvericiliyinin pozulması baş verməyib

Son günlər Azərbaycanda havanın temperaturu artır.

Son üç gündə Əmək və Əhalinin Sosial Müdafiəsi Nazirliyinə (ƏƏSMN) isti havada işəgötürənlərin qanunvericiliyin tələblərinə riayət etməməsi ilə bağlı hər hansı müraciət daxil olmayıb.

Ucarliyiq.biz xəbər verir ki, bu barədə ƏƏSMN-in İctimaiyyətlə əlaqələr şöbəsindən “Report”un sorğusuna cavab olaraq bildirib .

Nazirliyin yanında Dövlət Əmək Müfəttişliyi Xidməti işəgötürənlərə müraciət edərək, havanın temperaturu + 41 dərəcə selsidən çox olduğu hallarda işçilərin həyat və sağlamlığının qorunması məqsədilə qanunvericiliyin tələblərinə riayət olunmasını tövsiyə edib: 

“Bu tövsiyəyə əməl olunmaması ilə bağlı son üç gündə nazirliyə hər hansı müraciət daxil olmayıb”.

Qeyd edək ki, Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti işəgötürənlərə müraciət edib.

Müraciətdə Əmək Məcəlləsinin 233-cü maddəsinə uyğun olaraq, havanın temperaturu 41 dərəcədən çox olduğu hallarda açıq havada və sərinləşdirici qurğular olmayan örtülü binalarda, otaqlarda və digər iş yerlərində bütün növ işlərin görülməsi dayandırılmalıdır. 

Belə hallarda işçilərin həyat və sağlamlığının mühafizəsi məqsədilə onlara sərinləşmək üçün imkan yaradılmaqla fasilələr verilməlidir. Fasilənin sayı və müddəti işəgötürənlə həmkarlar təşkilatının birgə qərarı əsasında müəyyən edilməlidir.

Nazirlikdən bildirilib ki, eyni zamanda, fasilələr iş vaxtına daxil edilməlidir. Bu fasilələr zamanı əmək haqqının işçilərin tarif maaşına görə ödənilməsi təmin olunmalıdır. İş dayandırıldıqda, boşdayanma vaxtının haqqı işçinin təqsiri üzündən baş verməyən boşdayanma kimi, tarif maaşının üçdə iki hissəsindən az olmayaraq ödənilməlidir.

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti işəgötürənlərə müraciət edərək, havanın temperaturu 41 dərəcədən çox olduğu hallarda işçilərin həyat və sağlamlığının qorunması məqsədilə qanunvericiliyin tələblərinə riayət olunmasını tövsiyə edir.

Son günlər Azərbaycanda havanın temperaturu 41 dərəcəni ötüb.

ucarliyiq.biz