» » » Sabah isti hava şəraiti davam edəcək

Sabah isti hava şəraiti davam edəcək

Sabah isti hava şəraiti davam edəcək

Yaxın 3 gün ərzində Abşeron yarımadasında sabit hava şəraiti olsa da, günorta vaxtı meteohəssas insanlarda narahatlıq yarada bilər.

Avqustun 24-də Bakıda və Abşeron yarımadasında isti hava şəraiti davam edəcək.

Bu barədə məlumat Ucarliyiq.biz-ə Ekologiya və Təbii Sərvətlər Nazirliyinin Milli Hidrometeorologiya Departamentindən verilib.

Məlumata görə, şimal küləyi gündüz mülayim cənub-şərq küləyi ilə əvəz olunacaq. Havanın temperaturu gecə  21-25° isti, gündüz  31-36° isti, Bakıda gecə 23-25° isti, gündüz 33-35° isti olacağı gözlənilir. Atmosfer təzyiqi norma daxilində 760 mm civə sütunu təşkil edəcək. Nisbi rütubətlik gecə 55-65%, gündüz 25-35% olacaq.

Abşeron çimərliklərində dəniz suyunun temperaturunun Sumqayıt, Novxanı, Pirşağı, Nardaran, Bilgəh, Zaqulbada 25-26°, Buzovna, Mərdəkan, Şüvəlanda 26-27°, Türkan, Hövsan, Sahil, Şıxda 28-29° isti olacağı gözlənilir.

Yaxın 3 gün ərzində Abşeron yarımadasında sabit hava şəraiti müsbət amil olsa da, günorta vaxtı isti temperatur diskomfortu və bəzi saatlarda havada yaranan durğunluq meteohəssas insanlarda narahatlıq hissi yarada bilər.

Azərbaycanın rayonlarında hava şəraiti əsasən yağmursuz olacaq. Şərq küləyi gündüz  ayrı-əyrı yerlərdə arabir güclənəcək. Havanın hərarətinin gecə 18-23° isti, gündüz 34-39°, dağlarda gecə 14-19° isti, gündüz  25-30° isti olacağı gözlənilir.

ucarliyiq.biz