» » » Azərbaycanda polis əməkdaşlarının vəzifələri artırılır

Azərbaycanda polis əməkdaşlarının vəzifələri artırılır

Azərbaycanda polis əməkdaşlarının vəzifələri artırılır

Qanun layihəsi hazırlanıb.

Azərbaycanda ictimai qaydanın qorunması və ictimai təhlükəsizliyin təmin edilməsi sahəsində polis əməkdaşlarının yerinə yetirdiyi vəzifələrin miqyası genişləndirilir. 

ucarliyiq.biz xəbər verir ki, bu barədə Trend-ə Milli Məclisdən məlumat verilib. Bununla bağlı Milli Məclisdə “Polis haqqında” qanuna dəyişiklik edilməsi nəzərdə tutulur.

Milli Məclisdən Trend-ə verilən məlumata görə, “Polis haqqında” qanunun 14-cü maddəsinə (İctimai qaydanın qorunması və ictimai təhlükəsizlin təmin edilməsi sahəsində polis əməkdaşının vəzifələri) yeni bənd əlavə edilməsini nəzərdə tutan layihə hazırlanıb.

Belə ki, həmin maddəyə əlavə ediləcək 7-1 bəndinə əsasən, kütləvi idman tədbirlərinin və idman yarışlarının keçirilməsi zamanı idman obyektlərində, tamaşaçılar üçün nəzərdə tutulmuş yerlərdə, eləcə də idman obyektlərinə bitişik ərazilərdə və təxliyə yollarında zorakılığın qarşısını almaq, yarış iştirakçılarının və tamaşaçıların təhlükəsizliyini və ictimai asayişi təmin etmək də polis əməkdaşının vəzifəsi olacaq.

Qanun layihəsinin oktyabrın əvvəlində Milli Məclisin plenar iclasında müzakirəyə çıxarılması gözlənilir.