» » » Nikaha daxil olmaq istəyən 3587 nəfərdə talassemiya xəstəliyi aşkarlanıb

Nikaha daxil olmaq istəyən 3587 nəfərdə talassemiya xəstəliyi aşkarlanıb

Nikaha daxil olmaq istəyən 3587 nəfərdə talassemiya xəstəliyi aşkarlanıb

Bu ilin 9 ayı ərzində nikaha daxil olmaq istəyən 113 min nəfər müayinədən keçib, 3587 talassemiya daşıyıcısı aşkarlanıb.

Ucarliyiq.biz xəbər verir ki, bu barədə Azərbaycan Prezidenti İlham Əliyevin sədrliyi ilə keçirilən və Nazirlər Kabinetinin 2016-cı ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunmuş iclasında səhiyyə naziri Oqtay Şirəliyev məlumat verib.

“İrsi qan xəstəliklərinin qarşısını almaq məqsədilə nikaha daxil olanların tibbi müayinəsi də böyük əhəmiyyət daşıyır. Bu ilin 9 ayı ərzində 113 min nəfər müayinədən keçib, 3587 talassemiya daşıyıcısı aşkarlanıb. Qeyd etmək lazımdır ki, tibb müəssisələri ilə yanaşı, həmin müayinələrin böyük bir qismi insanların rahatlığı üçün “ASAN xidmət” mərkəzlərində həyata keçirilib. Bu müayinələr həm xəstəliklərin vaxtında aşkarlanmasına, həm də insanların düşünülmüş qərar qəbul etməsinə xidmət edir. Əlbəttə ki, ən vacibi irsi qan xəstəliklərinin yayılmasının qabağının alınması, sağlam körpələrin doğulmasıdır”, - deyə o bildirib.

O, həmçinin qeyd edib ki, “yeri gəlmişkən, hazırda Azərbaycanda yeni diridoğulma meyarlarına uyğun olaraq, vaxtından xeyli tez, ekstremal az çəki ilə doğulan körpələrin də xilası istiqamətində ciddi işlər görülür. Doqquz ay ərzində 1000 qramdan az çəkili 102 körpəni xilas etmək mümkün olub”.


ucarliyiq.biz