» » » Ödəmə terminallarının “udduğu” qəpiklər hara gedir?– VİDEO

Ödəmə terminallarının “udduğu” qəpiklər hara gedir?– VİDEO

Ödəmə terminallarının “udduğu” qəpiklər hara gedir?– VİDEO

Avtobus dayanacaqlarındakı ödəmə terminallarında, xüsusilə “BakıKart”ın balansını artıran zaman qəpiklə ödəmələrdə problemlər yaranır. Bəzi hallarda ya məbləğ karta yüklənmir, bəzən isə aparatın qəbul etdiyi qəpik sistemdə görünmür. 

Ucarliyiq.biz məlumat verir ki, “Xəzər Xəbər” problemin səbəbini və həlli yolunu araşdırıb.

Ödəmə terminalında “BakıKart”a 30 qəpik məbləğ daxil edilsə də, əməliyyatda səhv yazır və balansa yüklənmir. Bəzən də daxil edilən pulun balansda olduğu barədə ekranda məlumat yazılmır. Dayanacaqlarda quraşdırılan bəzi ödəmə terminallarında qəpiklə ödəmə zamanı son zamanlar belə problemlər müşahidə olunur.

Ödəniş terminalını quraşdıran şirkətdən bildiriblər ki, texniki problemlər ola bilər. Bəzən qəpiklərin arasında qəlp pullar və zədəli sikkələr olduqda aparatlar qəbul etmir. Belə vəziyyətlərdə vətəndaşlara dərhal şirkətin müştəri xidməti ilə əlaqə saxlamaq tövsiyyə olunur.

Şirkət nümayəndəsi əlavə edib ki, terminallar adətən müşahidə kameralarının olduğu yerlərdə quraşdırıldığından mübahisəli məsələlərin həlli üçün bu görüntülərdən də lazım gəlsə istifadə olunur və müştərilərə balansa oturmayan məbləğlər geri qaytarılır.


ucarliyiq.biz