» » » Gölməçələrdə batıb qalanlara sığorta ödənişi edilə bilərmi?– VİDEO

Gölməçələrdə batıb qalanlara sığorta ödənişi edilə bilərmi?– VİDEO

Gölməçələrdə batıb qalanlara sığorta ödənişi edilə bilərmi?– VİDEO

Ötən gündən bəri təkcə Binəqədi şossesində yaranan dərin gölməçələrdən dövlət idarələrinin əməkdaşları tərəfindən 109 ədəd avtomobil çıxarılıb. Ustalar belə avtomobilləri təmir etmək üçün sürücülərin böyük xərc çəkməli olduğunu bildirirlər. Bəs belə avtomobillərə sığorta ödənişi edilə bilərmi?

Avtomobil ustası Sahil Ağabəyli deyir ki, nəqliyyat vasitəsi suda söndükdə onun mühhərikiyində ciddi problemlər yaranır. Avtomobil içinə su dolduqda isə elektron sistem yanır ki, bu da xərci bir neçə dəfə artırır. Avtomobilin ilindən və markasından asılı olaraq sürücülər 1000-10 000 manat arasında ziyana düşürlər. Lüks avtomobillərdə isə bu qiymət daha da çox ola bilər. Lakin sürücülər bəzi nüansalara fikir verməklə xərcləri azalda bilərlər.

Ekspertlər bildirirlər ki, dərin gölməçələrdən keçən zaman nəqliyyat vasitəsinin hava filtiri çıxarılsa dərinliyi 1-1,5 metr olan sulardan rahatlıqla keçmək olar.

Dəymiş zərərin sığorta şirkətləri tərəfindən ödənilməsinə qaldıqda isə, bu yalnız sığorta müqaviləsində qeyd olunmaq şərti ilə kasko sığortası olan avtomobillərə aid edilə bilər.

Ucarliyiq.biz “Xəzər Xəbər”ə istinadən mövzu ilə bağlı daha ətraflı videomaterialı təqdim edir:


ucarliyiq.biz