» » » İsmayıllıda sürüşmə zonasından sakinlərin köçürülməsinə başlanılıb

İsmayıllıda sürüşmə zonasından sakinlərin köçürülməsinə başlanılıb

İsmayıllıda sürüşmə zonasından sakinlərin köçürülməsinə başlanılıb

“İsmayıllı rayonunda torpaq sürüşməsi səbəbindən artıq bir ailə yaşadığı evindən təxliyyə edilib”.

Ucarliyiq.biz xəbər verir ki, bunu Report-a rayon fövqəladə hallar komissiyasının sədri, icra başçısının müavini Rövşən Ağayev bildirib.

R.Ağayev qeyd edib ki, İsmayıllı rayonunda sürüşmə zonasında sakinlərin köçürülməsinə başlanılıb: “İsmayıllı rayonunun Diyallı və Sədiyan kəndlərində baş verən torpaq sürüşməsi nəticəsində yaşayış məntəqələrində təhlükə daha da artıb. Rayonun Sədiyan kənd sakini Ağalı Əliyev 6 nəfərdən ibarət ailəsi ilə birlikdə evindən təxliyyə edilib, daha uç ailəyə xəbərdarlıq edilib.

Ümumilikdə sakinlərə bildirmişik ki, əgər sürüşmənin ərazisi genişlənərsə, dərhal evlərini boşaltsınlar və müvəqqəti olaraq qohumlarının evində məskunlaşsınlar”.

Qeyd edək ki, sürüşmə nəticəsində Sədiyan kəndində dərinliyi 1,5 və eni 3 metr olmaqla təxminən 300 metr uzunluğunda yarğan əmələ gəlib.

.

ucarliyiq.biz