» » » Lerikdə qaya parçası dinamitlə partladıldı

Lerikdə qaya parçası dinamitlə partladıldı

Lerikdə qaya parçası dinamitlə partladıldı

Lerik rayonunda dağ uçqunu nəticəsində yolu kəsən qaya parçası partladılıb.

Ucarliyiq.biz “Report”a istinadən xəbər verir ki, ötən gecə Lerik-Qosmalian-Kəlvəz avtomobil yolunun 10-cu km-də “Dağlar qapısı” deyilən ərazidə təkrar baş verən qaya uçqunları nəticəsində bağlanmış yol hissə-hissə təmizlənib.

Yol istismar idarəsinin texnika və canlı qüvvəsi bütün gecəni ərazidə təmizləmə işləri ilə məşğul olub. Onlar hərəkəti qismən bərpa edə biliblər.

Sakinlərin sözlərinə görə, səhər saat 5 radələrində yolun üstündə böyük maneə olan qalaq nəhəng qaya parçası da dinamitlə partladılıb.

Hazırda rayon mərkəzi ilə 50 yaşayış məntəqəsini birləşdirən yolda hərəkət normal şəkildə davam edir.

.
ucarliyiq.biz