» » » Polislə zabitin davası ilə bağlı – AÇIQLAMA

Polislə zabitin davası ilə bağlı – AÇIQLAMA

Polislə zabitin davası ilə bağlı – AÇIQLAMA

“Parklama qaydalarına əməl edilməlidir”.

Bakı Şəhər BPİ Dövlət Yol Polis sosial şəbəkələrdə yayılan “Bakıda ordu zabiti ilə yol polisi əlbəyaxa oldu” videogörüntüyə münasibət bildirib.

Bakı Şəhər BPİ Dövlət Yol Polis İdarəsi İctimaiyyətlə Əlaqələr bölməsinin rəisi, polis polkovniki Vaqif Əsədov ucarliyiq.biz-ə bildirib ki, mətbuatda və sosial şəbəkələrdə yayılan “Bakıda ordu zabiti ilə yol polisi əlbəyaxa oldu” videogörüntüyə Bakı Şəhər BPİ DYP-də baxılıb.

Vaqif Əsədov qeyd edib ki, məsələ ilə bağlı bəzi məqamlar aydınlaşdırılıb:

“Müəyyən olundu ki, qeyd olunan ərazidə yol polisi ilə sürücü arasında yaranan narazılıq dayanma-durma, parklama qaydalarının pozulması ilə bağlı olub.

Sürücü, yaxud ordu zabitinin yol polisi ilə aralarında yaranan narazılıqla bağlı görüntülərdən açıq-aşkar görünür ki, “əlbəyaxa” münaqişə yaranmayıb.

Yol polisi əməkdaşı ilə qeyd edilən ordu zabitinin “əlbəyaxa” olması ilə bağlı iddia öz təsdiqini tapmır. Görüntülər əsasında deyilənlər həqiqəti əks etdirmir, yol polisinin xidməti fəaliyyətinə kölgə salır, yayılan xəbərlər əslində baş verən hadisənin əsl mahiyyətini əks etdirmir.

Təəssüfləndirici haldır ki, bununla bağlı məlumat əldə edən mətbuat nümayəndələri bu məlumatı əlaqədar orqanlarla dəqiqləşdirmədən şişirdilmiş formada yayıblar. 

Bakı Şəhər BPİ DYP-dən sürücülərin diqqətinə çatdırır ki, paytaxt yollarında hərəkətin təhlükəsizliyinin təmin edilməsi üçün dayanma-durma, parklama qaydalarına əməl edilməlidir. Sözsüz ki, məqsəd yollarda daralmanın qarşısını almaq, nəinki paytaxt sakinlərinin eləcə də digər hərəkət iştirakçılarının xüsusilə, sürücülərin təhlükəsiz, fasiləsiz və vaxt itirmədən, ləngimədən hərəkətini təmin etməkdir”. 

Polis polkovnikin sözlərinə görə, qanunun tələblərini pozan sürücülərə yol polisləri tərəfindən müvafiq tədbirlər həyata keçirilməklə, inzibati protokol tərtib edilir. 

“Xatırladaq ki, İnzibati Xətalar Məcəlləsinin 407-ci və "Yol hərəkəti haqqında" qanunun 85-ci maddəsinə əsasən, nəqliyyat vasitəsinin qanunvericiliklə müəyyən edilmiş dayanma və durma qaydalarının pozulduğu halda (əgər sürücü həmin nəqliyyat vasitəsinin yanında deyilsə), nəqliyyat vasitələri müvəqqəti olaraq mühafizə olunan duracaqda saxlanıla bilər”.