» » » Şəki polisi sürücünün “başına pul qoydu”: 1000 manat

Şəki polisi sürücünün “başına pul qoydu”: 1000 manat

Şəki polisi sürücünün “başına pul qoydu”: 1000 manat

Məlumat verən şəxsə onun anonimliyi qorunacaq.

Gecə 00:20 radələrində Şəkidə piyadanın ölümü ilə nəticələn yol qəzası baş verib. 

ucarliyiq.biz Kanal S-ə (Region TV) istinadən xəbər verir ki, 1969-cu il təvəllüdlü, Şəki rayon İncə kənd sakini İsmayılov Mübariz Qurbanəli oğlunu naməlum avtomobil vuraraq hadisə yerindən qaçıb. Xəsarət alan şəxs elə hadisə yerindəcə keçinib. 

Meyit müayinə üçün Məhkəmə Tibbi Ekspertiza və Patoloji Anatomiya Birliyinin Şəki rayon şöbəsinin Meyitlərin Təsrihi bölməsinə gətirilib.

Hadisəni törədən sürücünün axtarışları isə davam etdirilir. 

Faktla bağlı Şəki Şəhər Rayon Polis Şöbəsi vətəndaşlara müraciət edib. Müraciətdə həmin qəza hadisəsini görən şəxslərdən dərhal hüquq-mühafizə orqanlarına məlumat vermələri xahiş olunur. 

Şəki Şəhər Rayon Polis Şöbəsi məlumat verən şəxsə onun anonimliyi qorunmaq şərti ilə 1000 manat məbləğində pul mükafatının veriləcəyini bildirir.