» » » Səyyar ASAN xidmət Hacıqabul və Neftçalada

Səyyar ASAN xidmət Hacıqabul və Neftçalada

Səyyar ASAN xidmət Hacıqabul və Neftçalada

Dövlət agentliyi məlumat yaydı.

Noyabrın 19-dan dekabrın 3-dək Səyyar ASAN xidmət Hacıqabul şəhərində Hacıqabul və Kürdəmir, noyabrın 20-dən dekabrın 4-dək isə Neftçalada Neftçala şəhəri sakinlərinə səyyar formada xidmət göstərəcək. 

Bu barədə ASAN xidmətdən ucarliyiq.biz-a bildirilib. 

Bu xidmətlərə aşağıdakılar daxildir:

- Notariat fəaliyyəti;

- Vətəndaşlıq vəziyyəti aktlarının dövlət qeydiyyatı;

- Ümumvətəndaş pasportlarının verilməsi və dəyişdirilməsi;

- Sürücülük vəsiqələrinin dəyişdirilməsi;

- Əmək pensiyalarının təyin edilməsi;

- Mənzillər üzərində mülkiyyət hüquqlarının ilkin və təkrar dövlət qeydiyyatına alınması barədə çıxarışların, texniki pasportların verilməsi;

- Daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyestrindən arayışların verilməsi;

- Fərdi yaşayış evləri üzərində mülkiyyət hüquqlarının təkrar dövlət qeydiyyatına alınması barədə çıxarışların, texniki pasportların verilməsi.

Səyyar “ASAN xidmət”in həyata keçirilməsinin əsas məqsədləri dövlət xidmətlərinin vətəndaşlara daha rahat, yeni və innovativ üsullarla təqdim edilməsi, vətəndaşlar üçün əlçatanlığın təmin edilməsi və vətəndaş məmnunluğuna nail olunmasıdır.