» » » Sürücülərin nəzərinə: Yeni cəzalar qüvvədədir – VİDEO

Sürücülərin nəzərinə: Yeni cəzalar qüvvədədir – VİDEO

Sürücülərin nəzərinə: Yeni cəzalar qüvvədədir – VİDEO

Bundan sonra sürücü 1 ayadək müddətdə həbs olunacaq.

İnzibati Xətalar Məcəlləsində ictimai nəqliyyatdan istifadə ilə bağlı qaydaların pozulmasına görə məsuliyyəti sərtləşdirən yeniliklər dekabrın 1-dən qüvvəyə minib.

ucarliyiq.biz xəzərxəbər-ə xəbər verir ki, əvvəllər avtobusu müvafiq sənədi olmadan idarə edən sürücü 100 manat cərimə olunurdusa, bundan sonra birbaşa 15-gündən 1 ayadək müddətdə inzibati həbs olunacaq.

Avtobusu sərxoş idarə edənlər isə 2 il müddətində sürücülük hüququndan məhrum olunacaq, 15 gündən 1-ayadək müddətində inzibati həbs olunacaq. Əvvəllər bunun cəzası 300 manat cərimə və 6-aydan 1- ilədək sürücülük huququndan məhrumetmə idi.

Dəyşikliklərdə ən önəmli məsələlərdən biri ''D'' kateqoriyası olmayan sürücünün avtobus idarə etməsidir. Buna görə sürücü 200, Vəzifəli şəxslər 500, hüquqi şəxslər 3 min manat cərimə olunacaq. Əvvəllər bunun cəriməsi müvafiq olaraq 60, 200 və 2 min manat idi.

Ən sərt cəzalardan biri də avtobusu heç bir hüququ olmadan sərxoş vəziyyətdə idarə edib qəza törədən sürücülərlə bağlıdır. Həmin avtobusun sahibi 2500 manat cərimə edilməklə yanaşı, 1 aydan 2 ayadək inzibati həbs olunacaq. Şirkəti isə 15 min manat miqdarında cərimə ediləcək.

Cinayət Məcəlləsinə daxil edilən 265-1-ci maddə də qüvvəyə minib. Əgər avtobusu idarə etmək hüququ olmayan sürücü qəzaya səbəb olub piyadanın ölümü ilə nəticələnən qəza törədibsə məsuliyyətinin dərəcəsi nəticədən asılı olacaq. Onu 3-6 min manat miqdarında cərimə habelə 8 ilədək azadlıqdan məhrumetmə cəzası gözləyəcək.