» » » “Neft daşlarında” üç neftçinin itməsi ilə bağlı cinayət işi başladı

“Neft daşlarında” üç neftçinin itməsi ilə bağlı cinayət işi başladı

“Neft daşlarında” üç neftçinin itməsi ilə bağlı cinayət işi başladı

Səhlənkarlıq maddəsi ilə.

“Neft Daşları”nda baş verən qəza ilə bağlı cinayət işi başlanıb.

ucarliyiq.biz xəbər verir ki, Xəzər Rayon Prokurorluğundan APA-ya verilən məlumata görə, dekabrın 4-də “Neft Daşları” NQÇİ-nin 501 nömrəli özülündə baş verən qəza ilə bağlı Cinayət Məcəlləsinin 314-cü (səhlənkarlıq) maddəsi ilə cinayət işi başlanıb, istintaq hərəkətləri davam etdirilir.

Qeyd edək ki, dekabrın 4-də “Neft Daşları” NQÇİ-nin 501 nömrəli özülündə güclü tufan nəticəsində dalğalar estakada döşəməsini üstündəki yaşayış köşkü ilə birlikdə dənizə atıb.

Hadisə baş verərkən buxar aqreqatının maşinisti 1971-ci il təvəllüdlü Cavad Xudaverdiyev, səyyar aqreqatın motorçuları - 1961-ci il təvəllüdlü Bəhmən Cəfərov və 1974-cü il təvəllüdlü Rövşən Məmmədov köşkdə olublar.

Dənizdə operativ axtarış işlərinə başlanılıb. İtkin düşənlər hələlik tapılmayıb.