» » » İtkin düşən neftçilərin axtarışlarının miqyası genişləndirilib

İtkin düşən neftçilərin axtarışlarının miqyası genişləndirilib

İtkin düşən neftçilərin axtarışlarının miqyası genişləndirilib

“Yanğının söndürülməsi ilə 5 gəmi məşğuldur”.

SOCAR-ın "Günəşli” yatağındakı 10-cu dərin dəniz özülündə baş verən yanğın nəticəsində itkin düşən 23 nəfərin, o cümlədən itkin düşən "Neft Daşları"nın 3 əməkdaşının axtarışları davam edir.

ucarliyiq.biz xəbər verir ki, bu barədə "APA-Economics"ə SOCAR-ın "Azneft" İstehsalat Birliyindən məlumat verilib.

Qeyd edilib ki, axtarışların miqyası genişləndirilib: "Belə ki, Dövlət Sərhəd Xidmətinin 7 gəmisi və 6 helikopteri, Fövqəladə Hallar Nazirliyinin 2 gəmisi və 2 helikopteri axtarışları davam etdirir. Təəssüf ki, axtarışlar hələlik heç bir nəticə verməyib".

Əlavə olaraq bildirilib ki, yanğını söndürmək hələ də mümkün olmayıb. 

"Yanğının söndürülməsi ilə 5 gəmi məşğuldur", - deyə İB rəsmisi qeyd edib.