» » » Paytaxtda "Galenvagen"lərlə yürüşə görə məmur qovuldu

Paytaxtda "Galenvagen"lərlə yürüşə görə məmur qovuldu

Paytaxtda "Galenvagen"lərlə yürüşə görə məmur qovuldu

Rusiya Federal Təhlükəsizlik Xidmətinin (FTX) rəhbərliyi Moskvanın mərkəzində bahalı "Galenvagen" avtomobilləri ilə “avtoş”luq edən məzunları cəzalandırıb. ucarliyiq.biz-in məlumatına görə, bu barədə xüsusi xidmət orqanı xəbər verib.

FTX akademiyanın Moskva küçələrində qalmaqal yaradan, qaydaları pozan akademiyanın məzunlarını intizam məsuliyyətinə cəlb edib. Həmçinin akademiyanın bir neçə rəhbər işçisi çıxarılıb və ya aşağı vəzifələrə keçirilib. İyunun 21-də Moskvanın mərkəzində 30 ədəd "Mercedes-Benz Gelandewagen" markalı qara rəngli avtomobillərin peydə olması sakinlərin marağına səbəb olub. Məlum olub ki, gələcək federal təhlükəsizlik əməkdaşları maşınları 2-3 saatlıq kirayəyə götürüblər və şəhərin mərkəzində yüksək sürətlə və yol qaydalarını pozaraq hərəkət ediblər. Daha sonra bu hadisə ölkədə böyük rezonansa səbəb olub.

Hadisənin görüntüləri sosial şəbəkədə yayıldıqdan sonra "avtoşlar" istifadəçilər tərəfindən şərh atəşinə tutulub. Şərhlərdən çoxu neqativ xarakter daşıyıb. İnsanlar ölkənin təhlükəsizliyini qorumalı olan gənclərin belə bir addım atdıqlarından hiddətləniblər.

Rusiya prezidentinin mətbuat katibi Dmitri Peskov bu hadisəni biabırçılıq adlandıraraq bununla yol polisi və akademiya rəhbərliyini məşğul olmasını qeyd etmişdi.

Paytaxtda "Galenvagen"lərlə yürüşə görə məmur qovuldu


"Günahkar şəxslər barəsində ciddi qərarlar qəbul olunub. Akademiyanın rəhbərliyinə qarşı intizam məsuliyyətinin ciddi ölçüləri tətbiq edilib, həmçinin bir sıra rəhbərlər vəzifələrindən aşağı salınıb. Bir neçə nəfər isə işdən çıxardılacaq", - deyə Federal Təhlükəsizlik Xidməti xəbər verib.

FTX-in general-mayoru Aleksandr Mixailov isə gəncləri hətda Vətənə xəyanətdə ittiham edib. "Bu Vətənə xəyanətdir! Xidmət maraqlarının satqınlığı. Belə şəkilləri necə internetdə paylaşmaq olar? Biabırçılıq! FTX akademiyası məzunları Moskvada yol qaydalarını pozaraq hərəkət ediblər. Onların yarısı xidmətdən kənarlaşdırmalı yarısına isə xəbərdarlıq edilməlidir."

Bu Moskvada "Gelandewagen" avtomobilinin iştirakı ilə baş verən ilk səs-küylü hadisə deyil. Mayın 26-da "Lukoil" şirkətinin vitse-prezidenti Azat Şamsuarovun oğlu Ruslan Şamsuarov və onun dostlarının olduğu maşın Rusiyanın paytaxtının küçələrində yol polisinə çətin anlar yaşadıb. "Galenvagen" polislərlə küçələrdə "ölüm yarışına" çıxıb. Polis maşınları onların içində olduğu nömrəsiz bahalı maşını qovub.

Onlar nömrəsiz maşınla polisdən qaçmağa çalışsalar da bu alınmayıb. Polis onları qovan və saxlayan zaman gənclər "Periscope" sosial şəbəkədən canlı yayıma çıxıblar. Onlar baş verənləri anbaan çəkərək paylaşıblar. Hətta Ruslan polislər onları saxlayandan sonra da baş verənləri çəkərək paylaşıb.