» » » "Azərbaycanda ilk dəfə filmdə fahişə obrazını mən oynamışam." - Azərbaycanlı aktrisa

"Azərbaycanda ilk dəfə filmdə fahişə obrazını mən oynamışam." - Azərbaycanlı aktrisa

"Azərbaycanda ilk dəfə filmdə fahişə obrazını mən oynamışam." - Azərbaycanlı aktrisa

Azərbaycanda ilk dəfə filmdə fahişə obrazını mən oynamışam.

Ucarliyiq.biz bildirir ki, bunu publika.az-a açıqlamasında əməkdar artist, aktrisa Mehriban Xanlarova deyib. Aktrisa bu gün də filmin dramaturji həlli tələb etdiyi halda belə obraz yaradacığını bildirib.

Amma bir şərtlə: "Azərbaycanda aktrisaya o qədər qonorar verilmir ki, erotik filmə çəkilsin, el qınağını da üzərinə götürsün. Gənc aktrisa bəyan etmişdi ki, mənə milyon versələr, soyunub açıq-saçıq filmə çəkilərəm. Əslində, Mələk mənim sözlərimi təkrarlayır, bu fikirləri mən çoxdan demişdim. Nəinki soyunmaq, beş dəqiqə öpüşə görə, məni yuyub-sərəcəklər. Bizim insanlar xarici filmlərə həvəslə baxırlar, demirəm seks səhnələri, adi sevişmə səhnələrini göstərəndə normal qəbul edirlər.

Amma onu azərbaycanlı aktyor edəndə, vay dədəm vay, ağızlarını açıb, gözlərini yumurlar. Mən "Sahilsiz gecə" filminə çəkiləndə 15 yaşlı gənc fahişə qız obrazını oynamışam. Filmdə açıq-saçıq səhnələr yoxdur. Amma bunu sözlərlə ifadə edirəm. Orada bir kadr var, oğlanın bacısına deyirəm ki, get qardaşına de, ki mən fahişəyəm. Filmdən sonra hamı başladı mənə namus dərsi keçməyə. Dəstə yığıb, filmin rejissoru Şahmar Ələkbərovun üstünə getdilər.

Xəbər çıxdı ki, guya məni döyüblər. Amma heç kim məni döyə bilməzdi. Sözümün canı budur ki, həmin filmə görə Pribaltikada mən mükafat verdilər, dedilər nə gözəl oynamısan. Amma Azərbaycanda məni daş-qalaq elədilər. Mən peşəkar aktrisayam, istədiyim qonorarın müqabilində açıq-saçıq səhnələrə çəkilərəm".