» » » Bakı məktəbində balta ilə DAVA - Təhsil İdarəsi ayağa qalxdı -YENİLƏNDİ

Bakı məktəbində balta ilə DAVA - Təhsil İdarəsi ayağa qalxdı -YENİLƏNDİ

Bakı məktəbində balta ilə DAVA - Təhsil İdarəsi ayağa qalxdı -YENİLƏNDİ

Bakı Şəhəri üzrə Təhsil İdarəsi paytaxtın Suraxanı rayonunda yerləşən Sovet İttifaqı Qəhrəmanı Əmi Məmmədov adına 101 saylı orta məktəbdə şagird, müəllim və valideynlər arasında dava düşən davaya münasibət bildirib.

BŞTİ-dən Ucarliyiq.biz-ın sorğusuna cavab olaraq bildirilib ki, məsələnin araşdırıldığı bildirilib.
"Suraxanı rayonundakı 101 saylı tam orta məktəbdə şagirdlərin anıaşılmazlığı zəminində baş vermiş mübahisə Bakı Şəhəri üzrə Təhsil İdarəsi tərəfindən araşdırılır. Məsələyə aydınlıq gətirildikdən dərhal sonra ictimaiyyətə açıqlama veriləcək".
***
Bakı şəhəri, Suraxanı rayonunda yerləşən Sovet İttifaqı Qəhrəmanı Əmi Məmmədov adına 101 saylı orta məktəbdə şagird, müəllim və valideynlər arasında dava düşüb.
Bu barədə "Report"a Suraxanı Rayon Polis İdarəsinin 31-ci Polis Bölməsindən məlumat verilib.
Bildirilib ki, kütləvi dava zamanı 5 nəfər xəsarət alıb. Belə ki, məktəbdə dərs zamanı 10 b sinif şagirdi Ramin Zeynalov 11-ci sinif şagirdi İntiqam Abidov tərəfindən sinifdə döyülüb. Hadisə 10 b sinifinin rəhbəri Aynurə Hüseynzadənin sinifdə olduğu vaxt qeydə alınıb.
Məlum olub ki, davaya səbəb 10 b sinif şagirdi R.Zeynalovun sinif yoldaşı Gövhər Yaqubova ilə mübahisəsi olub. İ.Abidov isə özünü G.Yaqubovanın sevgilisi kimi qələmə verib. R.Zeynalovun anası Zəminə Zeynalova davadan xəbər tutaraq məktəbə gedib. Onunla G.Yaqubova arasında mübahisə düşüb. G.Yaqubova isə anası Tamara Yaqubovanı, dayısı Orxan Məmmədovu və nənəsi Tamara Məmmədovanı məktəbə çağırıb. Nəticədə, 47 yaşlı Z.Zeynalova döyülərək 3 saylı Şəhər Klinik Xəstəxanasına yerləşdirilib.
G.Yaqubovanın dayısı O.Məmmədov isə balta ilə R.Zeynalovun üzərinə hücum çəkib. R.Zeynalov və onun bacısı Təhminə Zeynalova da döyülərək bədən xəsarətləri alıb. Münaqişənin qarşısını almaq istəyən məktəbin psixoloqu Mətanət Rəhimova və direktor müavini Elnarə Məmmədova da döyülüblər.
Suraxanı Rayon Polis İdarəsinin 31-ci Polis Bölməsinin əməkdaşları məktəbə gedib, müəllim və valideynlərin izahatı alınıb.
Araşdırma aparılır.

Aysel

Bakı məktəbində balta ilə DAVA - Təhsil İdarəsi ayağa qalxdı -YENİLƏNDİ