» » » Avropa çempionatlarının bütün finalları

Avropa çempionatlarının bütün finalları

Avropa çempionatlarının bütün finalları

Sabah 15-ci Avropa çempionatı başa çatır. ucarliyiq.biz-in məlumatına görə, Avropa Çempionatında azarkeşlər üçün cavabı naməlum olan bir sual qalıb - Portuqaliya, yoxsa Fransa?

"Avro-2016"nın ev sahibi, Fransa millisi artıq həmvətənlərinin 1984 və 1998-ci illər turnirlərindəki uğurlarını təkrarlamağa çox yaxındır. Finalda "xoruzlar"ı 2004-cü ildən bəri Avro həsrətində olan Portuqaliya millisi gözləyir.

Avropalı braziliyalıların 31 yaşlı lideri 12 illik fasilədən sonra yalnız turnirin qızıl medalına köklənib. Bir sözlə,  Portuqaliyanı finala daşıyan Kriştiano Ronaldo artıq qızılın da keyfiyyətini yoxlamadan keçirməyi arzulayır.

Maraqlı məqam odur ki, Portuqaliya və Fransa millilərinin öz aralarında keçirdikləri son 10 matçın hamısında "xoruzlar" qələbə qazanıblar.
Avropa çempionatlarının bütün finalları
1960-cı ildən keçirilən turnirin 46 illik tarixində 9 komanda çempion olub. Bu say sabah 10-a çata bilər. Belə ki, Fransa bundan əvvəl iki dəfə (1984, 2000) çempion olubsa, Portuqaliya cəmi bir dəfə final həyacanı yaşayıb və Yunanıstana uduzub.
Avropa çempionatlarının bütün finalları


Ən çox Avropa çempionu olmuş komandalar Almaniya və İspaniyadı - 3 dəfə. Onları 2 çempionluqla Fransa izləyir. Bu isə sabahkı finalın nəticəsindən aslı olmayaraq, iki komandanın zirvədə qalacağı deməkdi. Ən yaxşı halda Fransa onların rekorduna şərik çıxa bilər.

SSRİ, İtaliya, Çexiya, Hollandiya, Danimarka və Yunanıstan hərəyə bir dəfə çempionluq sevinci yaşayıb. İlk Avropa çempionu olmuş SSRİ artıq tarixin yaddaşına köçüb və yerində 15 dövlət yaranıb. Daha bir dövlət - 1960-1968-ci illərdə final oynamış Yuqoslaviya da artıq süquta uğrayıb və yerində 8 müstəqil respublika qurulub.

1960 SSRİ - Yuqoslaviya 2:1

1964 İspaniya - SSRİ 2:1

1968 İtaliya - Yuqoslaviya 1:1, 2:0

1972 Qərbi Almaniya - SSRİ 3:0

1976 Çexslovakiya - Qərbi Almaniya 2:2 (penalti - 5:3)

1980 Qərbi Almaniya - Belçika 2:1

1984 Fransa - İspaniya 2:0

1988 Hollandiya - SSRİ 2:0

1992 Danimarka - Almaniya 2:0

1996 Almaniya - Çexiya 2:1

2000 Fransa - İtaliya 2:1

2004 Yunanıstan - Portuqaliya 1:0

2008 İspaniya - Almaniya 1:0

2012 İspaniya - İtaliya 4:0

2016 Fransa - Portuqaliya

Bütün dünyanın səbirsizliklə gözlədiyi qarşılaşma iyul ayının 10-da Bakı vaxtı ilə saat 23:00-da başlayacaq.