» » » FİDE prezidenti Bakı Şahmat Olimpiadası Əməliyyat Komitəsinin direktorunu mükafatlandırıb

FİDE prezidenti Bakı Şahmat Olimpiadası Əməliyyat Komitəsinin direktorunu mükafatlandırıb

FİDE prezidenti Bakı Şahmat Olimpiadası Əməliyyat Komitəsinin direktorunu mükafatlandırıb
Bakıda Beynəlxalq Şahmat Federasiyasının (FİDE) 87-ci Konqresinin iştirakçıları üçün ziyafət təşkil edilib. ucarliyiq.biz - in məlumatına görə, Tədbirdə çıxış edən FİDE prezidenti Kirsan İlyumjinov 42-ci Ümumdünya Şahmat Olimpiadasının özəllikləri barədə danışıb.

O bildirib ki, Bakı Şahmat Olimpiadası uzun müddət yaddaşlarda qalacaq: "Olimpiadanın təşkil olunmasında əməyi olan hər kəsə təşəkkür edirəm. Azərbaycan hökumətinə, gənclər və idman naziri Azad Rəhimov, Azərbaycan Şahmat Federasiyasının prezidenti Elman Rüstəmova çox sağ ol deyirəm. Eyni zamanda Bakı Şahmat Olimpiadası Əməliyyat Komitəsinin işini qeyd etməyə bilmərəm. 2016-cı ildə mütəmadi olaraq nümayəndələrimiz hazırlıqla tanış olmaq üçün Azərbaycana səfər ediblər. Hər zaman Əməliyyat Komitəsində gərgin iş olduğu barədə məlumat verirdilər. Bu gün həmin işin nəticəsini bütün dünya görür. FİDE adından Bakı Şahmat Olimpiadası Əməliyyat Komitəsinin üzvlərinə, komitənin direktoru Mahir Məmmədova minnətdarlığımı bildiririk".

Çıxışının sonunda FİDE prezidenti Bakı Şahmat Olimpiadasının yüksək təşkilatçılığı və şahmatın inkişafındakı xidmətlərinə görə, Əməliyyat Komitəsinin direktoru Mahir Məmmədova xüsusi mükafat təqdim edib.