» » » Londonda AVRO-2020-nin loqosunun təqdimatı keçirilib

Londonda AVRO-2020-nin loqosunun təqdimatı keçirilib

Londonda AVRO-2020-nin loqosunun təqdimatı keçirilib
Bu gün AVRO-2020-nin ev sahiblərindən biri olan İngiltərənin paytaxtı Londonda turnirin loqosu və vizual konsepsiyasının təqsdimatı keçirilib.

ucarliyiq.biz - in məlumatına görə, loqonu UEFA prezidenti Aleksandr Çeferin, İngiltərə Futbol Assosiasiyasının sədri Qreq Klark və Londonun meri Sadiq Xan təqdim edib.

Qonaqlar arasında AFFA-nın baş katibi Elxan Məmmədov da yer alıb.

Loqonun əsas elementi kimi birlik simvolu olaraq London körpüsü göstərilib. Mərkəz hissədə Anri Delone kuboku və sevinən azarkeşlər yer alıb. Turnirin loqotipi oyunlara ev sahibliyi edəcək 13 şəhər arasında körpü rolunu oynayır. Loqonun mərkəzi yeri Londonun tanınmış Tauer körpüsüdür.

Qitəmiqyaslı 60 yaşlı yarışın yarımfinal və final oyunu Londonun "Uembli" stadionunda keçiriləcək.

Qeyd edək ki, AVRO-2020-yə Bakı da ev sahibliyi edəcək. Azərbaycanın paytaxtında 3 qrup və bir 1/4 final oyunu olacaq. Bakıda AVRO-2020-nin loqosunun təqdimatı sentyabrın 30-da Olimpiya Stadionunda olacaq.