» » » Sərbəst güləş üzrə Azərbaycan yığmasının baş məşqçi əvəzi təyinatı ilə bağlı danışıb

Sərbəst güləş üzrə Azərbaycan yığmasının baş məşqçi əvəzi təyinatı ilə bağlı danışıb

Sərbəst güləş üzrə Azərbaycan yığmasının baş məşqçi əvəzi təyinatı ilə bağlı danışıb
"Noyabrın əvvəllərində yeni vəzifəyə təyinat aldım. Mənə etimad göstərdiyi üçün federasiya rəhbərliyinə təşəkkürümü bildirirəm".

ucarliyiq.bizun məlumatına görə, bunu Azərbaycanın sərbəst güləş üzrə yığma komandasının baş məşqçi əvəzi Firdovsi Umudov jurnalistlərə açıqlamasında deyib.

F.Umudov yığma komandanın üzvlərini yaxşı tanıdığını və onlarla işləməyin çətin olmayacağını bildirib: "Komanda mənə çox yaxındır. Uşaqlarla tanışıq, onlar da məni çox yaxşı tanıyır. 2007-2008-ci illərdə çalışdığım yeniyetmələr indi əsas yığmanın üzvləridir. Hacı Əliyev, Toğrul Əsgərovu misal göstərmək olar. Məşqçilərin və uşaqların psixologiyasını, onlara necə yanaşmağın lazım olduğunu bilirəm. Hazırlıq prosesində də çatışan və çatışmayan cəhətlərə bələdəm. Çalışacağam ki, mənə göstərilən etimadı doğruldum. Güclü məşqçilər korpusumuz var. Bir yerdə işləyib gələcək yarışlarda da nəticələri qazanmağa çalışacağıq. Təbii ki, yığmada son söz baş məşqçinin olur. Mən də çalışacağam ki, idmançıları düzgün analiz edim və doğru qərar verim".

Qeyd edək ki, Azərbaycan Güləş Federasiyasının I vitse-prezidenti Namiq Əliyevin imzaladığı əmrə əsasən, yığma komandaların məşqçilər korpusunda dəyişiklik edilib. Əmrə əsasən, Firdovsi Umudov səsrbəst güləş yığmasının baş məşqçi əvəzi, Zəlimxan Hüseynov böyük məşqçi, Arif Abdullayev və Sadruddin Ayqubov isə məşqçi təyin olunub. Yığmanın sabiq baş məşqçisi Saypulla Absaidov isə gənclərdən ibarət komandanın böyük məşqçisi vəzifəsini icra edəcək.