» » » "Qarabağ"ın qapıçısı Azərbaycan Premyer Liqasında 100-cü oyununu keçirib

"Qarabağ"ın qapıçısı Azərbaycan Premyer Liqasında 100-cü oyununu keçirib

"Qarabağ"ın qapıçısı Azərbaycan Premyer Liqasında 100-cü oyununu keçirib
“Qarabağ” komandasının qapıçısı İbrahim Şehiç futbol üzrə Azərbaycan Premyer Liqasında 100-cü oyununu keçirib.

ucarliyiq.biz-in Peşəkar Futbol Liqasının rəsmi saytına istinadən verdiyi məlumata görə, "İnter”lə XXVI turun qarşılaşması bosniyalı qolkiper üçün Azərbaycan çempionatında yubiley matçı olub. Qapısını toxunulmaz saxlayan legioner indiyədək 61 top buraxıb. 2013/2014 mövsümündən “Qarabağ”da çıxış edən Şehiç 100-ə 4 çempionat ərzində çatıb.

29 yaşlı oyunçu Azərbaycan çempionatları tarixində 100 və daha çox matça çıxan 2-ci legioner qapıçı olub. İndiyədək yalnız bir əcnəbi qolkiper bu qədər çox matç keçirib. “İnter”in sabiq qapıçısı Georgi Lomayanın hesabında 125 matç var. 7 mövsüm Azərbaycanda çıxış etmiş gürcüstanlı legioner bu oyunlarda 91 top buraxıb.

Ümumilikdə isə Şehiç 100 və daha çox oyun keçirən 28-ci qapıçıdır.

Qeyd edək ki, "Qarabağ" "İnter"i 3:0 hesabı ilə yenərək, ardıcıl 4-cü mövsüm çempion olub.

scroll top