» » » "Qəbələ" klubu ispaniyalı futbolçu transfer edib

"Qəbələ" klubu ispaniyalı futbolçu transfer edib

"Qəbələ" klubu ispaniyalı futbolçu transfer edib

“Qəbələ” klubu mövsümlərarası dövrdə ilk əcnəbi futbolçu transferini gerçəkləşdirib. ucarliyiq.biz-in məlumatına görə, “qırmızı-qaralar” ispaniyalı Fransisko Xavyer Ernandes Qonzaleslə anlaşıb.

Xavi Ernandes Qonzales kimi tanınan futbolçu ilə 1 ili şərti olmaqla, 2 illik müqavilə imzalanıb. İspaniyalı legioner Avstriyada təlim-məşq toplanışında olan komandaya bu gün qoşulacaq.

Hücumameylli yarımmüdafiəçi 1989-cu il iyunun 6-da Salamanka şəhərində anadan olub. “Pizarrales” (1999 - 2002), “Salamanka” (2002 - 2005), “Real Madrid" (2005 - 2008) klublarının yeniyetmələrdən ibarət komandalarında oynayan Ernandes 2007-2008-ci illərdə İspaniyanın U-19 milli komandasında çıxış edib. O, yığmada keçirdiyi 5 matçda 1 qol vurub. 2008-ci ildə peşəkar karyerasına başlayan futbolçu “Real Madrid”in B komandasına çıxış edib. 2011-ci ilədək bu komandada oynayan Xavi icarə əsasında İsveçin “Halmstad” (2011) klubunda da oynayıb. Ardınca vətənində “Salamanka” (2011 - 2013), “Ourense” (2013 - 2014) və “Burqos”un (2014 - 2015) şərəfini qoruyan yarımmüdafiəçi Rumıniyada “Poli Timişoara”da (2015 - 2016), Polşada “Qurnik Lençna”da (2016 - 2017) legioner həyatı yaşayıb.

Qeyd edək ki, "Qəbələ" klubu bunadək yerli futbolçular İlqar Qurbanov, Aqil Məmmədov və Elvin Məmmədovu heyətinə qatıb.

scroll top