» » » Prezident İlham Əliyev Monqolustanın yeni seçilən dövlət başçısını təbrik edib

Prezident İlham Əliyev Monqolustanın yeni seçilən dövlət başçısını təbrik edib


Azərbaycan Prezidenti İlham Əliyev Monqolustanın yeni seçilən prezidenti Xaltmaaqiyn Battulqaya təbrik məktubu göndərib.

ucarliyiq.biz xəbər verir ki, məktubda deyilir:

"Hörmətli cənab Prezident,

Monqolustanın Prezidenti vəzifəsinə seçilməyiniz münasibətilə Sizi ürəkdən təbrik edirəm.

Ümidvaram ki, xalqlarımızın mənafelərinə uyğun olaraq Azərbaycan ilə Monqolustan arasındakı dostluq və əməkdaşlıq münasibətlərinin inkişafı yolunda birgə səylər göstərəcəyik.

Bu xoş fürsətdən istifadə edərək ölkənizin milli bayramı münasibətilə Sizə və bütün xalqınıza öz adımdan və Azərbaycan xalqı adından ən səmimi təbriklərimi yetirir, Sizə möhkəm cansağlığı, işlərinizdə uğurlar, dost Monqolustan xalqına əmin-amanlıq və firavanlıq diləyirəm".

scroll top